Koronavirus

Mənbə: google.az

Başlıq: Koronavirus

Koronavirusdan daha bir həkim həyatını itirib

Ölənlər arasında Tamerlan Qarayevin həkim bacısı da var

Noyabrın 24-də isə Cəlilabad Rayon Mərkəzi Xəstəxanasının həkimi Əlihüseyn İbrahimovun koronavirusdan həyatını itirdiyi bildirilir. Bu barədə həkimin yaxınları məlumat yayıb.

“Son 10 gündə 3 həkim, 2 tibb bacısı COVID-19 infeksiyasına yoluxub. Həkimlərdən biri Klinik Tibbi Mərkəzdə (“Semaşko”), digərləri isə Elmi Tədqiqat Ağciyər Xəstəlikləri İnsititunda çalışıb”. Bunu Meydan TV-yə koronaviruslu xəstələri müalicə edən həkimlərdən biri söyləyib.

Onun sözlərinə görə, ölkədə koronavirusun ikinci dalğası başlayandan tibb işçiləri arasında da yoluxmalar qeydə alınır:

“Ağciyər Xəstəlikləri İnsitutu ağır viruslu xəstələrlə işləyən müəssisələrdən biridir. Virusun qeydə alındığı gündən bir neçə tibb bacısı və həkim də vəfat edib. İndi isə yoluxan tibb işçiləri ilə bağlı məlumat verilmir”,- adının açıqlanmasını istəməyən həkim qeyd edib.

Bu ay koronavirusdan vəfat edən həkimlərdən biri də Nizami rayonundakı 18 nömrəli Birləşmiş Şəhər Xəstəxanasının baş həkimi Leyla Yelmar qızı Qarayevadır. Leyla Qarayeva Azərbaycanın Çin Xalq Respublikasında, Hindistan Respublikasında və İndoneziya Respublikasındaki fövqaladə və səlahiyyətli səfiri Tamerlan Qarayevin bacısıdır.

Bu barədə Meydan TV-yə ailəyə yaxın mənbə məlumat verib.

Adının açıqlanmasını istəməyən başqa bir həkim qeyd edib ki, virusa yoluxan və ağır vəziyyətdə olan həkimlərin adlarını açıqlayaraq yardım istəyə bilmirlər. Bu, konkret tapşırıqdır: “Tibb bacılarından biri orta yaşlıdır, öhdəsində uşaqları var. TƏBİB həkimlərin yoluxması ilə bağlı xəbərləri gizlətməkdənsə, ailələrinin qayğısına qalmaq üçün təkliflər irəli sürməlidir”.

Elmi-Tədqiqat İnstitutundan yoıuxmalarla bağlı TƏBİB-lə əlaqə saxlanılmasını söyləyiblər. TƏBİB-dən isə sorğu cavablandırılmayıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/3fhucm

Ən çox baxılan