Maarif Məmmədov

Mənbə: Foto: Meydan tv

Başlıq: Maarif Məmmədov

“Kəndi şəxsi mülkiyyətləri kimi idarə edirlər”

Məqalə yeniləndi:  23 Dekabr 2019

Keçili kənd sakininin tikdiyi evin üzərindən yüksəkgərginlikli işıq xətləri çəkilib

“Kəndin bir tərəfində yüksək gərginlikli elektrik xətlərini söküb, ərazini satıblar. Sonra da həmin elektrik xətlərini gətirib bizim evlərin üstündən çəkiblər”.

Şəmkirin Keçili kənd sakini Maarif Məmmədov Meydan TV-yə danışır ki, yerli işıq idarəsi 2016-cı ildə onun evinin üstündən yüksək gərginlikli elektrik kabeli çəkib. Maarif Məmmədov buna etiraz edib. Ancaq deməsinə görə, ona bildirilib ki, işıq xətlərinin keçdiyi əvvəlki ərazi ayrı-ayrı adamlara satılarkən işıq xətləri yığışdırılıb və orada evlər tikilib. Hazırda kənddə bu işıq xəttinə ehtiyac olduğundan işıq idarəsi məcbur olub ki, xətti onun evinin üzərindən çəkib aparsın.

“Torpaqları satmaq üçün əvvəlcə işıq kabellərini yığışdırırlar”

“Aşıq Məsim küçəsindəki torpaqları sata bilmirdilər, çünki almaq istəyən adamlar yüksək gərginlikli elektrik xətlərinə görə ərazidə ev tikməyə ehtiyat edirdilər. Bunu görən icra hakimiyyəti və bələdiyyə qərara gəlib ki, həmin küçədən keçən xətlərin yerini dəyişib, gətirib bizim Vəli Xuluflu küçəsindən çəksinlər. Adamların yaşadıqları evlərin üstündən xətlər çəkiblər. Elə çəkiblər ki, az qala evlərin damına dəysin”, - şikayətçi deyir.

"Hazırda kənddə bu işıq xəttinə ehtiyac olduğundan işıq idarəsi məcbur olub ki, xətti onun evinin üzərindən çəkib aparsın".

"Hazırda kənddə bu işıq xəttinə ehtiyac olduğundan işıq idarəsi məcbur olub ki, xətti onun evinin üzərindən çəkib aparsın".

Mənbə: Foto: Meydan tv

Maarif Məmmədovun sözlərinə görə, dekabrın 13-də rayon icra hakimiyyəti başçısının qəbuluna gedib. Başçı məsələnin araşdırılıb həll olunacağına söz verib:

“Dedi, ürəyini sıxma, düzələcək. 1 həftə gözlədik, heç nə düzəlmədi, təkrar qəbula gedəndə bizi qəbul eləmədi. İcra hakimiyyətindən bildirdilər ki, başçı deyir, bu məsələ ilə işıq idarəsi məşğul olmalıdır. İşıq idarəsinə getdik, bildirdilər ki, kabellərin yerini dəyişdirmək mümkün deyil. Bunlar torpaq alveri edirlər, pul qazanırlar, kəndi şəxsi mülkiyyətləri hesab edirlər, istədikləri vaxt dirəyi burdan çıxarıb, aparıb başqa yerdə basdırırlar, yerini də satırlar, ortada zərər vətəndaşa dəyir. Mən borcla-xərclə ev tikmişəm ki, ailəmi çöllərdən evə yığım, tikdiyim evin damının bir hissəsini bağlamışam, bir hissəsini kabellərə görə bağlaya bilmirəm. Hətta bağlasam da, orada yaşamaq təhlükəlidir. Bir külək, yağış olsa, kabellər qırılıb evin üzərinə düşsə, yanğın baş versə, ailəlikcə külə dönərik”.

“41 ildir həmin evdə yaşayırıq”

Şəmkir Rayon Elektrik Şəbəkəsindən bildirilib ki, Maarif Məmmədovun tikdiyi ev sənədsiz və qeyri-qanunidir. Kabellərə gəlincə, özbaşına iş görməyiblər. Kabellərin xəritəsi “Azərişıq” ASC-də tərtib olunub, onlar da kabelləşməni həmin xəritə üzrə aparıblar.

"Bir külək, yağış olsa, kabellər qırılıb evin üzərinə düşsə, yanğın baş versə, ailəlikcə külə dönərik”

"Bir külək, yağış olsa, kabellər qırılıb evin üzərinə düşsə, yanğın baş versə, ailəlikcə külə dönərik”

Mənbə: Foto: Meydan tv

Maarif Məmmədovsa Şəmkir Rayon Elektrik Şəbəkəsinin yalan danışdığını iddia edir. O bildirir ki, həmin evdə 1978-ci ildən yaşayırlar:

“1978-ci ildə Şəmkir Su Elektrik Stansiyasının tikintisi bizim evin ərazisinə düşürdü. Stansiya tikiləndə bizi oradan bu evə köçürtdülər. 41 ildir ki, bu evdə yaşayırıq. Ev çöx köhnə olduğundan söküb yerində təzəsini tikdik. Yəni, evimizi yenilədik. Damının bir hissəsini örtmüşdük, digər hissəsini örtməyə imkan tapmadıq, gətirib elektrik kabellərini çəkdilər. İndi evimizin damının bir hissəsi var, bir hissəsi açıq qalıb”.

Hüquqşünas Namizəd Səfərov deyir, Maarif Məmmədov məhkəməyə müraciət etməlidir:

“Mülkiyyətçi əmlakın tamhüquqlü sahibidir. Vətəndaşın mülkiyyətçisi olduğu əmlakın aıtından, yaxud üstündən hər hansı kommunal xəttin keçməsi üçün onun razılığı vacibdir. Əgər Maarif Məmmədovun həmin əmlaka dair mülkiyyətçi olmasını təsdiqləyən sənədi varsa, o, məhkəməyə müraciət edə bilər”.

"İndi evimizin damının bir hissəsi var, bir hissəsi açıq qalıb”

"İndi evimizin damının bir hissəsi var, bir hissəsi açıq qalıb”

Mənbə: Foto: Meydan tv

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  23 Dekabr 2019
Bölmələr:  
qısa linklər:   http://mtv.re/uaq9jx

Ən çox baxılan