İzmir

Mənbə: https://www.hurriyet.com.tr/

Başlıq: İzmir

İzmirdə zəlzələ: 12 nəfər ölüb, 419 nəfər yaralanıb (yenilənir)

Məqalə yeniləndi:  30 Oktyabr 2020

21.02. İzmirdə baş verən zəlzələ nəticəsində 12 nəfər ölüb, 419 nəfər yaralanıb.

***

17.52. İzmirin Urla və Səfərihisar rayonlarında 3 dəqiqəlik ara ilə daha 2 zəlzələ də olub. Hər ikisi 4 bal gücündə qeyd edilib.

AFAD bildirilib ki, Urladakı yeraltı təkan 25 km, Səfərihisardakı isə 7 km dərinlikdə olub. Həmçinin Egey Dənizində, Yunanıstanın Samos adasının yaxınlığında 2,5 km dərinlikdə 4 bal gücündə zəlzələ qeydə alınıb.

İzmirin Bayraklı rayonundakı binaların içində dağılanlar var.

***

Zəlzələ nəticəsində bəzi binalara ziyan dəyib

Oktyabrın 30-da Türkiyənin İzmir şəhərinin Səfərihisar bölgəsi yaxınlığında 6.6 bal gücündə zəlzələ olub. Zəlzələ İstanbul və Bursa da daxil olmaqla Egey və Marmara dənizi bölgələrində hiss edilib.

CNN Türk xəbər verir ki, Kandilli Rəsədxanası təkanın gücünü 6.8 olaraq elan edib. Zəlzələ nəticəsində İzmirdəki bəzi binalara ziyan dəyib.

Türkiyə Fövqəladə Hallar İdarəetmə Nazirliyinin (Acil Durum Yönetimi Başkanlığı AFAD) məlumatına görə, zəlzələ İzmirin Səfərihisar bölgəsindən 17 kilometr kənarda, Egey dənizində, saat 14.51-də baş verib. Nazirlik zəlzələni 6.6 bal gücündə olduğunu bildirib.

Eyni zamanda, zəlzələnin 16,54 kilometr dərinlikdə meydana gəldiyi müəyyənləşib.

İzmir

İzmir

Mənbə: DHA

İzmir meri Köşgerin sözlərinə görə, hələlik, can və mal itkisi ilə bağlı bir məlumat yoxdur:

“Hadisə yerinə gedəcəyik. Məlumat olduqca bölüşəcəyik”.

CNN TÜRK-ün canlı yayımına telefonla qoşulan Səfərihisar Bələdiyyəsinin başçısı İsmayil Yetkin isə təkanların hələ də davam etdiyini söyləyib:

“Hələlik, çox pis xəbərlər almamışam”.

İstanbulun rəsmi qurumları bu şəhərdə hiss olunan zəlzələ ilə bağlı hələlik, heç bir məlumat bölüşməyib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  30 Oktyabr 2020
Bölmələr:  
qısa linklər:   http://mtv.re/zd4800

Ən çox baxılan