İzmirdə həyatını itirənlərin sayı 25-ə çatıb

Müəlliflər: Meydan TV

Tarix: 31 Oktyabr 2020

Məqalə yeniləndi: 31 Oktyabr 2020

804 nəfərin yaralı olduğu bildirilir

Oktyabrın 31-nə olan məlumata görə, İzmir zəlzələsində həyatını itirənlərin sayı 25 nəfərə çatıb. 804 nəfərin yaralı olduğu bildirilir.

Məlumatı Türkiyənin Fövqəladə Halların İdarə Olunması Agentliyi (AFAD) yayıb.

Oktyabrın 30-da İzmirin Səfərihisar bölgəsində 6.6 ballıq zəlzələ olub. Səfərihisar bölgəsi İzmir şəhərinin 17 kilometrliyində yerləşir. Zəlzələnin yerin 16,54 km dərinliyində baş verdiyi açıqlanıb. Zəlzələdən sonra 35-i 4 baldan yüksək olan daha 470 yeraltı təkan olub.

Bütün bunların nəticəsində 25 nəfər həyatını itirib. Onlardan 1-i dənizdə boğulub. İzmirdə 743, Manisada 5, Balıkesirdə 2, Aydında 54 nəfər olmaqla - 804 nəfər yaralanıb. İzmirdə dağılan 17 binadan 9-da xilasetmə işləri tamamlanıb. Qalan 8 binada işlər davam edir.

Xilasetməyə bələdiyyələrdən 4.995 nəfər, 20 xilasedici it və 683 texnika cəlb edilib.

İzmir

Mənbə: https://www.milliyet.com.tr/

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN

Müəlliflər: Meydan TV

Tarix: 31 Oktyabr 2020

Məqalə yeniləndi: 31 Oktyabr 2020

Bölmələr: