Mənbə: google

İspaniyada fövqəladə vəziyyətin müddəti uzadılıb

Qocalar evi bu böhrandan təsirlənib

İspaniyanın koronavirus təcridi ən az 12 aprel tarixinə qədər uzadılıb. “Reuters” xəbər verir ki, Avropanın koronavirusdan ikinci ən pis təsirlənmiş ölkəsi olan İspanyada ölüm sayı sürətlə artmaqdadır.

Parlament cümə axşamı günü erkən saatlarda fövqəladə tədbirləri genişləndirmək üçün səs verib. Qərarla ölkə əhalisindən sadəcə yemək, dərman və işdən başqa evlərindən çıxmamaq tələb edilib.

Martın 14-də fövqəladə vəziyyət tətbiq edildikdən bəri İspaniyada təsdiqlənmiş yoluxma halları 10 dəfə artıb. Ölənlərin sayı çərşənbə günü Çindən daha çox olub və bir gündə 738 nəfər həyatını itirib.

“Fövqəladə vəziyyəti uzatmaq asan deyil”, - Baş nazir Pedro Sançez (Sanchez) parlamentdə çıxış edərkən deyib:

“Əminəm ki, virusa qarşı yeganə səmərəli mübarizə üsulu sosial təcriddir”.

321 millət vəkilinin əksəriyyəti uzadılmanın lehinə səs verib, 28 nəfər bitərəf qalıb. Ən böyük müxalifət partiyası olan mühafizəkar Xalq Partiyası bu tədbirə dəstək verib. Lakin partiyanın lideri Pablo Kasado (Casado) Sançezi böhrana gec və qeyri-kafi reaksiya verməkdə günahlandırıb.

Kasado yüz minlərlə insanı küçələrə çıxarmış 8 Mart Beynəlxalq Qadınlar Günü yürüşlərinin ləğv edilməməsi qərarını və hökumətin tibb işçilərini həyati avadanlıqla təmin etməməsini tənqid edib.

“Hökumətlər cəbhəyə əsgərlərini dəbilqə və silah olmadan göndərmir. Ancaq bizim səhiyyə işçilərimiz heç bir qorumaya sahib deyil”,- Kasado parlamentdə deyib.

Yaşlı sakinləri virusa həssas olan qocalar evləri bu böhrandan xüsusilə təsirlənib.

Cadena Ser radio şəbəkəsi tərəfindən aparılan məruzədə qeyd edilir ki, belə evlərin ən az 397 sakini koronavirusdan ölüb. Bu, ölkənin 3434 ölmüş əhalisinin 10% -dən çoxunu təşkil edir. Səhiyyə Nazirliyi bu barədə şərh istəyinə cavab verməyib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/1n0gw8

Ən çox baxılan