Mövsüm Səmədov

Mənbə: Foto: Meydan tv

Başlıq: Mövsüm Səmədov

“İslam Partiyasının liderinin hüquqları pozulub”

Avropa İnsan Hüquqları Məhkəməsi Mövsüm Səmədovla bağlı qərarını elan edib

Avropa İnsan Hüquqları Məhkəməsi dekabrın 12-də İslam Partiyasının lideri, mühakimə edilmiş Mövsüm Səmədovun şikayəti üzrə qərarı elan edib.

“Turan” İnformasiya Agentliyinin məlumatına görə, məhkəmə qərara alıb ki, 2011-ci ildə M.Səmədovun həbsi Avropa İnsan Hüquqları Konvensiyasında zəmanət verilmiş hüquqların pozulması ilə müşayiət olunub.

AİHM qərara alıb ki, M.Səmədovun həbsinin əsl səbəbi onun 2011-ci ilin yanvarında partiyanın tədbirində etdiyi çıxışdır. Çıxış zamanı o, məktəblərdə hicaba olan qadağaya görə hakimiyyəti kəskin tənqid edib və əhalini etiraza çağırıb.

M.Səmədov “polisə tabe olmamağa” görə inzibati qaydada həbs edilib. Həbs müddəti bitdikdən sonra ona qarşı terrorizm, qanunsuz silah saxlamaq, konstitusiya quruluşunu zorla dəyişdirmək cəhdi kimi ittihamlar irəli sürülüb.

Avropa məhkəməsi müəyyən edib ki, yerli məhkəmələr M.Səmədovun azadlıq və şəxsi toxunulmazlıq, ədalətli məhkəmə araşdırması hüququnu pozublar.

Məhkəmə M.Səmədova ümumi məbləği 4 min avro kompensasiya ödənilməsini qərara alıb. Hüquq müdafiəçiləri M.Səmədovu siyasi məhbus kimi tanıyıblar.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/7r5bsn

Ən çox baxılan