İranda seçkilər

Mənbə: tass.ru

Başlıq: İranda seçkilər

İranda keçirilən seçkilərin qalibi elan olunub

Seçkilərdə 4 namizəd mübarizə aparırdı

İran İslam Respublikasında iyunun 18-də keçirilən prezident seçkilərinin qalibi elan olunub.

Məhkəmə hakimiyyətinin rəhbəri, 60 yaşlı İbrahim Rəisinin 28,6 milyon seçicidən 17,6 milyonun səsini alaraq qalib elan olunduğu bildirilib.

Məlumatı “TASS” yayıb.

Seçkilərdə 4 namizəd mübarizə aparırdı: məhkəmə hakimiyyətinin rəhbəri İbrahim Rəisi, İslam İnqilabı Keşikçiləri Korpusunun sabiq komandanı Möhsün Rezai, parlament sədrinin müavini Hüseyn Qazizadə Haşemi və Mərkəzi Bankın sabiq sədri Əbdülnasir Hümməti.

Rəsmi məlumata görə, İranda 59 milyon 310 min 307 nəfər seçici var:

"Seçki fəallığı Tehranda, Təbrizdə, Urmiyada və Şirazda daha çox müşahidə olunub".

İbrahim Rəisi

İbrahim Rəisi

Mənbə: Azərtac

Seçkinin ilkin mərhələsində 7 namizəd qatılsa da, bəziləri namizədliyini geri çəkdiyindən bu günə 4 nəfər qalıb: "İbrahim Rəisi, Möhsün Rezai, Əbdülnasir Həmmati və Əmirhüseyn Qazizadə Haşimi".

Vaşinqtondakı Demokratiyanı Müdafiə Fondunun İran üzrə təhlilçi Behnam Ben Taleblu “Amerikanın Səsi”nə deyib ki, Rəisinin əvvəllər insan haqlarının pozulması hallarında iştirakı onu Qərb üçün problemli bir prezidentə çevirə bilər:

“Təəssüf ki, o, 1980-ci illərin sonlarında Ayətullah Xomeyninin Tehranda beş min siyasi məhbusun ölümünə səbəb olan qətl fərmanını həyata keçirən qondarma ölüm komissiyası ilə əlaqədar alçaldıcı səhvləri ilə tanınır”, - o bildirib.

Londondakı “Chatham House” araşdırma mərkəzinin Yaxın Şərq və Şimali Afrika proqramı rəhbərinin müavini Sanam Vakil isə hesab edir ki, 2019-cu ilin noyabırında artan neft qiymətləri ilə bağlı etirazların da amansızlıqla yatırılması bu seçkilərə təsir göstərib. Onun fikincə, sadə vətəndaşlar bu hadisələrdən sonra səs verməyə meylli deyil.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/wo6yml

Ən çox baxılan