Mənbə: Meydan TV

İlkin Süleymanovun məhkəmə prosesi: “Əsl cinayətkar cəzalandırılsın”

İlkin Süleymanovun məhkəmə prosesi: “Əsl cinayətkar cəzalandırılsın”

Avqustun 11-də Gəncə Ağır Cinayətlər Məhkəməsində İlkin Süleymanovun məhkəməsi davam edib. O, 10 yaşlı Nərmin Quliyevanı öldürməkdə ittiham olunur. Süleymanovun yaxınları “İlkinə azadlıq”, “Əsl cinayətkar cəzalandırılsın” şüarları səsləndirib.

Bugünkü məhkəmədə zərərçəkmiş tərəfin – azyaşlı Nərminin valideynləri dindirilib.

Müdafiə tərəfi valideynlərin ifadələrində təzadlar olduğu iddiasındadır. Vəkil Əlibala Rzayev deyib ki, İlkin günahsızdır və bunu zərəzçəkmiş tərəf də bilir.

İlkin Süleymanovun yaxınları işin gedişindən narazıdır. Onlar məhkəmə proseslərində video çəkilişə icazə verilməsini tələb edirlər.

10 yaşlı Nərmin Quliyeva 2019-cu ilin noyabrın 21-də Tovuzun Dondar Quşçu kəndində itkin düşüb. Yanvarın 6-da kənddə onun yandırılmış meyiti tapılıb. Yanvarın 10-da isə Daxili İşlər Nazirliyi və Baş Prokurorluq birgə məlumat yayaraq N.Quliyevanın qətlində şübhəli bilinən 47-yaşlı İlkin Süleymanovun saxlandığını, onun ilkin ifadəsində cinayəti etiraf etdiyini açıqlayıb.

İlkin Süleymanova qarşı Cinayət Məcəlləsinin “köməksiz vəziyyətdə olan adamı öldürmə” və yetkinlik yaşına çatmayan şəxsi qanunsuz saxlama” maddələri ilə ittiham irəli sürülüb. O, ömürlük həbs edilə bilər.

İlkin Süleymanov özünün günahsız olduğunu, ondan işgəncə altında ifadə alındığını deyib.

Növbəti məhkəmə prosesi sentyabrın 8-də keçiriləcək.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/ys8bn8

Ən çox baxılan