Məmmədovların evi

Mənbə: meydan tv

Başlıq: Məmmədovların evi

''İcra başçısının müavini dedi ki, uşaqları saxlaya bilmirsənsə, internata verək''

Kürdəmir sakini şikayət etdiyinə görə danlandığını deyir

Meydan TV iyulun 29-da Kürdəmirdə yaşayan çoxuşaqlı ana Zülfiyyə Məmmədovanın problemləri haqda reportaj təqdim etmişdi. Reportajdan sonra Kürdəmir Rayon İcra Hakimiyyətindən zəng vuraraq, Zülfiyyə Məmmədovanı görüşə dəvət ediblər.

Bu haqda Meydan TV-yə çoxuşaqlı ana özü məlumat verib.

Zülfiyyənin dediyinə görə, anası ilə onu icra başçısının birinci müavini Tacəddin Novruzov qəbul edib. Söhbət istədikləri kimi alınmayıb. İcra başçısının müavini çoxuşaqlı ailənin problemlərinə biganə olduqlarını göstərib.

“Mənə dedi ki, uşaqları saxlaya bilmirsənsə, sənədləri hazırla, internata verək. Dedim, siz öz uşaqlarınızı verərsiniz? Cavab verdi ki, mən kişiyəm”, - Zülfiyyə Məmmədova söyləyib.

Zülfiyyə Məmmədova deyib ki, icra hakimiyyətinə böyük ümidlərlə gedib. Tacəddin Novruzovla söhbətin əvvəlində də problemlərini dilə gətirib, ev tikmək üçün torpaq sahəsinə ehtiyacı olduğunu bildirib:

“Amma ta əvvəldən sərt danışdı. Soruşdu ki, niyə bizdən şikayət eləmisən? Mən də şikayət eləmədiyimi, problemlərimdən danışdığımı dedim. Bizimlə o qədər pis davrandılar ki, anam müavinin kabinetindən ağlaya-ağlaya çıxdı”.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/qnts0j

Ən çox baxılan