İradə Gülməmmədova

Mənbə: arxiv

Başlıq: İradə Gülməmmədova

İcra başçısının bacısı oğlu məhkəmə qarşısına çıxarıldı

İttiham aktının həcmi böyük olduğundan bir məhkəmə iclasında yekunlaşmayıb

Abşeron Rayon İcra Hakimiyyətinin Memarlıq və tikinti şöbəsinin keçmiş müdiri, rayonun baş memarı Akif Əliyev, Xırdalan şəhər 3 saylı Mənzil Təsərrüfat İstehsalat İstismar-Təmir Sahəsinin sabiq rəisi Murad Əhmədov və daha 7 nəfərin mühakiməsi başlayıb. Onların işinə Bakı Ağır Cinayətlər Məhkəməsində hakim Əli Məmmədovun sədrliyilə baxılır.

Təqsirləndirilən şəxslər arasında Abşeron rayonunun icra başçısı İradə Gülməmmədovanın bacısı oğlu Babək Zalıyev də var. O, istintaq dövründə həbsdə olmayıb. Onun və daha bir təqsirləndirilən Tural Ağaməmmədovun barəsində polis nəzarətinə vermə qətimkan tədbiri seçilib. Lakin fevralda məhkəmənin hazırlıq iclasında hakimlər onların barəsində olan qətimkan tədbirinin dəyişdirilməsi və hər ikisinin məhkəmə zalında həbs olunmasına qərar verib.

Martın 1-də bu iş üzrə məhkəmə baxışı başlayıb. Prokuror ittiham aktını elan edib. İttihamın həcmi böyük olduğuna görə orada yazılanları elan etmək üçün bir məhkəmə iclası yetərli olmayıb. Martın 15-də keçiriləcək növbəti iclasda prokuror ittihamın elanını davam etdirəcək.

Məhkəmədə həmçinin Babək Zalıyevin vəkili Eynulla Vəliyev bu iş haqqında mediada yazılanlara etiraz edib. Söhbət məhkəmənin hazırlıq iclasında iki təqsirləndirilən şəxs barəsində də digərləri kimi, həbs qətimkan tədbiri seçilməsi haqda yayılan xəbərdən gedir.Yayılan xəbərlərdə qeyd olunmuşdu ki, sözügedən iki nəfərdən biri icra başçısının bacısı oğludur.

Hakim isə bildirib ki, açıq məhkəmə iclasında media nümayəndələrinin də iştirak etmək hüququ var. Lakin məhkəmə prosesində olanlar qərəzsiz şəkildə, qanunvericiliyin tələblərinə uyğun işıqlandırılmalıdır.

Baş prokuror yanında Korrupsiyaya qarşı Mübarizə Baş İdarəsinin əməkdaşlarının keçirdiyi əməliyyat nəticəsində Akif Əliyev və digərləri saxlanılıb. Onlara qarşı rüşvət alma, rüşvət verməyə təhrik və başqa ittihamlar irəli sürülüb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/g2ll4l

Ən çox baxılan