Mənbə: google

Həbsdə olan Dəmirtaş xəstaxanaya qaldırılıb

Siyasətçinin sinə ağrıları səbəbindən huşunu itirdiyi deyilir

Türkiyənin əsas kürd tərəfdarı olan Xalqların Demokratik Partiyasının (HDP) sabiq rəhbəri Səlahəddin Dəmirtaş bazar ertəsi günü xəstəxanaya qaldırılıb. “Reuters” xəbər verir ki, o, keçən həftə sinə ağrıları səbəbindən huşunu itirib və dərhal xəstəxanaya qaldırılıb.

Türkiyənin tanınmış siyasətçilərindən olan Dəmirtaş terrorizm də daxil olmaqla bir neçə ittiham üzrə 3 ildən çoxdur ki, həbsdədir. Əsas işdə təqsirli bilinərsə, o, 142 il müddətinə azadlıqdan məhrum edilə bilər.

Bacısı və vəkillərindən biri olan Aygül Dəmirtaş əvvəllər deyib ki, Dəmirtaş 26 noyabrda nəfəs almaqda çətinlik çəkib və huşunu itirib. Buna baxmayaraq, onu xəstəxanaya aparmayıblar.

Türkiyə parlamentində ikinci böyük müxalifət partiyası olan HDP deyib ki, partiyanın iki millət vəkili Dəmirtaşı həbsxanada ziyarət etdikdən sonra siyasətçi xəstəxanaya qaldırılıb.

Dəmirtaşın saxlandığı həbsxananın yerləşdiyi Ədirnə əyalətinin baş prokuroru deyib ki, keçən həftə edilən ilkin yoxlamalar Dəmirtaşda sağlamlıq problemlərinin olmadığını göstərib. Qeyd edilib ki, ətraflı müayinə üçün ayrıca xəstəxana ilə görüşlər edilib və bundan sonra Dəmirtaş bazar ertəsi günü xəstəxanaya köçürülüb.

46 yaşlı Dəmirtaş noyabrın 26-da səhər saatlarında huşunu itirdikdən sonra uzun müddət huşsuz vəziyyətdə qalıb, - vəkili “twitter”də qeyd edib.

“Dəmirtaşın üzərində elektrokardioqramma müayinəsi aparılıb. Ancaq həbsxana həkimi qeyd edib ki, siyasətçi kardiologiya, nevrologiya və qastroenterologiya mütəxəssisləri tərəfindən müayinə üçün xəstəxanaya götürülməlidir”, - vəkili bildirib.

Sentyabrda Ankara prokurorları Dəmirtaşla əlaqədar yeni istintaq başladıb və məhkəmə əsas işdə həbs qərarı qaldırıldıqdan sonra onun nəzarətə alınmasını istəyib. Dəmirtaş ittihamları rədd edir.

Ankara HDP-ni Türkiyə dövlətinə qarşı silahlı mübarizə aparan Kürdüstan İşçi Partiyası (PKK) ilə əlaqələrdə ittiham edir. HDP terrorla əlaqəni rədd edir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/kh1rpr

Ən çox baxılan