İngiltərə və ABŞ qurumları birgə bəyanat yayıb
İngiltərə və Birləşmiş Ştatlar çərşənbə axşamı hökumətin dəstəklədiyi hakerlərin koronavirusla qlobal mübarizə aparan səhiyyə və araşdırma institutlarını dağıtmağa çalışdıqları barədə xəbərdarlıq edib, – “Guardian” xəbər verir.
Birgə bəyanatda İngiltərənin Milli Kiber Təhlükəsizlik Mərkəzi və ABŞ-ın Kiber Təhlükəsizlik və İnfrastruktur Təhlükəsizliyi Agentliyi deyib ki, hakerlər COVİD-19-la mübarizə aparan həm milli, həm də beynəlxalq təşkilatları fəal şəkildə hədəf alıblar”.
“Ehtimal ki, hakerlərin hədəfi milli və beynəlxalq səhiyyə siyasəti haqqında məlumat və ya COVİD-19 ilə əlaqəli araşdırmalar haqqında həssas məlumatlar əldə etmək olub”, -bəyanatda deyilir.
Çərşənbə axşamı koronavirus pandemiyasından ölənlərin sayı dünyada 1/4 milyonu keçib. ABŞ hökuməti beynəlxalq peyvəndin hazırda 8 milyard dolları hədəflədiyini və ölüm hallarının daha da artacağını proqnozlaşdırıb.
ABŞ-dan bu dəhşətli xəbər gəldiyi zamanda Avropa təxminən iki aylıq təcriddən sonra normal həyata qayıtmağa hazırlaşır.
Avropa və ABŞ-dakı müəssisələr açılmağa başlarkən səhmlər və neft qiymətləri yenidən artmağa başlayıb.
Lakin qlobal irəliləyiş ABŞ və Çin arasındakı sözlü müharibəni soyutmaq üçün bir nəticə verməyib. Amerika iddia edir ki, virus Çin laboratoriyasında ortaya çıxıb. Bu iddia Ümumdünya Səhiyyə Təşkilatı (ÜST) tərəfindən “spekulyativ” adlandırılıb.
