Mənbə: meydan.tv

Göyçay sakini: Şəhid anasıyam, evim yanıb, çöllərdə qalmışam

Məqalə yeniləndi:  14 Oktyabr 2021

“İcra başçısı Mehdi Səlimzadə “get növbəni gözlə” deyərək məni başından edir”

“Bu il mayın 30-da elektrik qısaqapanmasından evimiz alışdı, içindəki əşyaları ilə birlikdə tamamilə yanıb külə döndü. O gündən qapılarda qalmışam”.

Bu sözləri Göyçay rayonunun İnçə kənd sakini Solmaz Heydər qızı Abdulxalıqova deyir. O, şəhid anası statusunu daşıyır. Oğlu Teymur Cayəddin oğlu Abdulxalıqov 7 yanvar 1994-cü ildə Qarabağın azadlığı uğrunda gedən döyüşlərdə həlak olub.

İndi evsiz qalan ana uzun illərdir mənzil növbəsində olduğunu söyləyir:

“Atalar yaxşı deyib: “El-elə sığar, ev evə sığmaz”. Heç bir yerdən köməyim olmasa da, bir ümüdüm odur ki, dövlətimiz şəhid ailələrinə pulsuz mənzil verir və ya inşa edir. Mən uzun illər əvvəl həmin mənzil üçün qeydiyyata alınmışam. Ancaq hələ də növbəmin çatmamasını əsas gətirib mənə mənzil verməyiblər. Evimizin yanmasını və çöllərdə qalmağımızı nəzərə alıb mənə növbədənkənar yeni mənzilin verilməsi və ya inşa edilməsi üçün dəfələrlə Göyçay Rayon İcra Hakimiyyətinin başçısı Mehdi Səlimzadənin qəbulunda olmuşam. Hər dəfə də “get növbəni gözlə” deyərək məni başından edib. Vicdanı olan hər kəs başa düşər ki, çöllərdə qalmışam. Bunu başa düşüb, nəzərə almaq lazımdır, ancaq Mehdi Səlimzadə bunu başa düşmür”.

“Mənim oğlum Birinci Qarabağ müharibəsində iştirak edib, qəhrəmancasına vuruşub, torpağı, milləti qoruyub. 80 yaşım var, uzun illər dişimlə, dırnağımla qazandığım, zəhmət çəkib tikdiyim evimin yanması həyatımı tamam məhv etdi.

Azərbaycan Respublikasının Prezidenti cənab İlham Əliyevdən xahiş edirəm, şəhid anası olmağımı, evimin yanmasını və çöllərdə qalmağımızı nəzərə alıb mənə növbədənkənar mənzil verilməsinə, yaxud inşa edilməsinə köməklik göstərsin”, - Solmaz Abdulxalıqova deyir.

Göyçay Rayon İcra Hakimiyyətinin Sənədlərlə və vətəndaşların müraciətləri ilə iş şöbəsindən Meydan TV-yə məsələni araşdırıb məlumat verəcəklərini deyiblər.

Yanğın

Yanğın

Mənbə: Meydan Tv

Sənəd

Sənəd

Mənbə: Meydan TV

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  14 Oktyabr 2021
Bölmələr:  
qısa linklər:   http://mtv.re/2udvdx

Ən çox baxılan