Qonşusu Fürduz Dəmirova, oğlu Ariz və qızı Fəridə ilə birlikdə Sahilə Ələkbərovanı döyüblər.

Mənbə: Foto: Meydan tv

Başlıq: Qonşusu Fürduz Dəmirova, oğlu Ariz və qızı Fəridə ilə birlikdə Sahilə Ələkbərovanı döyüblər.

"Qadını ata bağlayıb yerlə sürüdülər"

Məqalə yeniləndi:  10 Oktyabr 2019

Hadisə rayon polisi tərəfindən araşdırılır

Goranboy rayonunda 35 yaşlı Sahilə Ələkbərovanın qonşusu ilə mübahisə zəminində ata bağladılaraq, yerlə sürüdülməsi barədə məlumat yayılıb.

Report” saytına rayonun Əlirzalı kəndinin sakinləri bildiriblər ki, qadın bir həftə öncə itən atını axtarırmış. Atın qonşunun həyətində olduğunu görüb və qaytarılmasını tələb edib. Qonşusu Fürduz Dəmirova, oğlu Ariz və qızı Fəridə ilə birlikdə Sahilə Ələkbərovanı döyüblər.

“Onlar S.Ələkbərovanı döyərək əl-ayağını kəndirləyiblər, daha sonra isə ata bağlayaraq küçədə sürütləyiblər. Biz də səs-küyə gəldik, iki qonşu kişi qadının əl-qolunun kəndirini açıblar”, - kənd sakinləri deyiblər.

Goranboy Rayon İcra Hakimiyyətinin Əlirzalı kənd icra nümayəndəsi Nizadil Hüseynov isə Sahilə Ələkbərovanın döyülmə faktını təsdiq etsə də, ata bağlanıb, sürüdülmək xəbərini təkzib edib.

“Qadının əl-ayağı kəndirlə bağlanıb və sürütləyərək küçəyə çıxarılıb. Ancaq məndə qadının ata bağlanaraq sürüdülməsi haqqında məlumat yoxdur. Sadəcə, qadını özləri sürütləyərək yaşadığı evə aparmaq istəyiblər. Bu zaman səs-küyə gələn qonşular qadını onların əllərindən alıblar. Atın oğurlanması və ya ata bağlanaraq sürütlənməsi məsələsi barədə eşitməmişəm, yalan söhbətdir. At, sadəcə, onların həyətinə keçib, bu qadın da oğurlandığından şübhələnib və ona görə də aralarında mübahisə yaranıb”, - Nizadil Hüseynov deyib.

Sahilə Ələkbərova Goranboy Rayon Mərkəzi Xəstəxanasının Travmatologiya şöbəsinə yerləşdirilib. Hadisəni törətməkdə şübhəli bilinən şəxslər isə Goranboy Rayon Polis Şöbəsinə aparılıblar.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  10 Oktyabr 2019
Bölmələr:  
qısa linklər:   http://mtv.re/4fz25y

Ən çox baxılan