İyunun 29-da əsgər yoldaşı tərəfindən öldürülən hərbçinin yaxınları və qonşuları 8-ci km bazarının arxasındakı yolu bağlayıblar. Fizuli köçkünü olan ailə narazılıq edir ki, övlad böyüdüb göndərmişik, öldürüblər, meyitini isə gec və heç nə olmamış kimi geriyə gətiriblər.
Hadisə şahidlərinin sözlərinə görə, polis zor gücünə yolu boşaldıb.
Əsgərin yaxınları iddia edir ki, N saylı hərbi hissənin giziri Murovda odlu silahdan atəş açaraq 1999-cu il təvəllüdlü, 15 ayın əsgəri Turan Mahir oğlu Kərimlini gözündən vurub öldürüb. Hadisənin hansı zəmində baş verdiyi haqda hələki məlumat yoxdur.
Müdafiə Nazirliyi isə Meydan TV-nin bu haqda sualından yayınıb.
