Firəngiz Əlizadə

Mənbə: kulis.az

Başlıq: Firəngiz Əlizadə

Firəngiz Əlizadə: Heç bir bəstəkara qadağa qoymamışıq

"Bütün meydanı toy musiqisinə vermək olmaz"

“Biz heç bir bəstəkara qadağa qoymamışıq. Sadəcə, həmişə deyirik ki, mahnılar keyfiyyətli olmalıdır. Zövqləri tərbiyə edək, daha gözəl əsərlər yaradaq”.

Xalq artisti, Bəstəkarlar İttifaqının sədri Firəngiz Əlizadə Meydan TV-yə açıqlamasında qurumda bəstəkarların əsərlərinə qadağa qoyulması məsələsinə aydınlıq gətirərkən belə deyib.

“Bəstəkarlara ancaq ittifaqın bəyəndiyi əsərləri sosial şəbəkələrdə yaymaq qadağası qoyulmayıb. “YouTube” açıq platformadır, orada peşəkar və qeyri-peşəkarların gündə yüzlərlə mahnıları yerləşdirilir. İnsanın qəlbindən mahnı gəlir, biz deyəcəyik ki, yazma? Xeyr, belə hal heç vaxt olmayıb. Yaradıcı insan – azad insandır. O, yaradacaq, bəstələyəcək. Amma biz seçməliyik. Yəni efirdə insanlara daha gözəl əsərlər, musiqilər təqdim olunmalıdır. Necə deyərlər, bütün meydanı toy musiqisinə vermək olmaz. Ciddi, gözəl, klassik mahnılar olmalıdır. Peşəkar bəstəkar mahnıları da olmalıdır”.

Firəngiz Əlizadə bildirib ki, Mədəniyyət Nazirliyi tərəfindən Bəstəkarlar İttifaqına İkinci Qarabağ müharibəsi haqqında əsərlərin ifa olunması ilə bağlı tapşırıq verilib: “Göstəriş verilib ki, Üzeyir Hacıbəyli Beynəlxalq Musiqi Festivalında qələbəmizə həsr olunan əsərlər ifa edilsin. Bununla bağlı dörd dəfə komissiya toplantısı olub. Katiblərimiz, musiqişünaslarımız, bəstəkarlarımızla birgə festivalda təqdim olunacaq əsərlərə qulaq asıb, müzakirələr aparmışıq. Söhbət böyük simfonik əsərlərin təqdimatından gedir. Festivalda ən gözəl əsərlər səsləndirilməlidir. Konsertə böyük məsuliyyətlə, ciddi hazırlaşırıq”.

Üzeyir Hacıbəyli Beynəlxalq Musiqi Festivalı 2021-ci il sentyabrın 18-də başlayacaq.

Bəstəkarlar İttifaqının təqdim edəcəyi konsert proqramı isə sentyabrın 24-də nümayiş olunacaq.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/g1bhhu

Ən çox baxılan