Fatimə Mövlamlı

Mənbə: Foto: Meydan tv

Başlıq: Fatimə Mövlamlı

Fatimə Mövlamlı: Polis bölməsində məni yumruq, sillə və təhqirlə qarşıladılar

“Təxminən yarım saat dəmir barmaqlıqlar arasında saxlanıldım”

İctimai fəal Fatima Mövlamlı oktyabrın 11-də Yasamal Rayon Polis İdarəsinin 29-cu bölməsində polis zorakılığına məruz qaldığını bildirib.

Bu barədə Fatima Mövlamlı “Facebook” səhifəsində məlumat və şəkillərini paylaşıb.

O, təkbaşına aksiya keçirən AXCP üzvü Tofiq Məmmədovun 29-cu bölmənin polisləri tərəfindən saxlanıldığını qeyd edərək bildirib ki, bölməyə gedib, onu növbəti hissədə yumruq, sillə və təhqirlə qarşılayıblar:

“Məni növbətçi hissənin yanındakı kameranın dəmir barmaqlarına sıxıb boynumdan və saçımdan tutaraq “indi səni də qeydiyyatdan keçirib göndərərik Tofiqin yanına” deyə qışqırdılar. Təxminən yarım saat dəmir barmaqlıqlar arasında saxlanıldım. Bölmə rəisi məni qəbul etdi, ondan döyülən anın video görüntülərini tələb etsəm də, müşahidə kameralarının işləmədiyini söylədi, bu, rəzillik idi”.

F.Mövlamlı onu sahə inspektoru Vüqar Əliyevin döydüyünü qeyd edib. Amma digər polis mülki geyimdə olduğundan tanımayıb.

29-cu Polis Bölməsinin növbətçisi hissəsindən sualları Daxili İşlər Nazirliyinin (DİN) mətbuat xidmətinə ünvanlamağı məsləhət biliblər.

DİN-in mətbuat xidmətinin rəisi Ehsan Zahidov Meydan TV-yə deyib ki, Azərbaycan mentalitetində qadına qarşı zorakılıq mümkün deyil:

“Ancaq bu məsələni araşdırıb məlumat yayacağıq”.

Oktyabrın 11-də AXCP-nin Astara Rayon Təşkilatının üzvü Tofiq Məmmədov Yasamal rayonunda təkadamlıq aksiya keçirərkən saxlanılıb.

Tofiq Məmmədov “Paltarlarımı 1 manata satıram” şüarıyla aksiya keçirib.

Tofiq Məmmədovu Yasamal Rayon Polis İdarəsinin 29-cu bölməsinə aparıblar.

Son məlumata görə AXCP üzvü 535.1 maddəsi (polisin qanuni tələbinə tabe olmamaq) ilə ittiham olunaraq 10 sutka inzibati cəza alıb.

Tofiq Məmmədov ötən il də bir neçə dəfə inzibati cəza alıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/rpinao

Ən çox baxılan