Əli Xeyrcu və Meysəm Colani

Mənbə: https://iranwire.com/

Başlıq: Əli Xeyrcu və Meysəm Colani

Ərdəbil Məhkəməsi azərbaycanlı fəalları cəzalandırıb: 8 ay həbs, 40 şallaq

Məqalə yeniləndi:  2 Fevral 2021

Onlar "qarışıqlıq yaratmaqla ictimai asayişi pozmaq"da günahlandırılırlar

Ərdəbil Cəza Məhkəməsi dekabrın 1-də milli fəallar Əli Xeyrcu və Meysəm Colanini toplam 8 ay həbs və 40 şallaq cəzasına məhkum edib.

Səbəb onların sentyabr və oktyabr aylarında Azərbaycana dəstək aksiyalarında fəal iştirak etməsi göstərilir.

Bu barədə "İranwire.com" saytı məlumat yayıb.

Bildirilir ki, hakim Səccad Həbibiyanın rəhbərlik etdiyi Ərdəbil İkinci Cəza Məhkəməsinin 110 saylı şöbəsi "qarışıqlıq yaratmaqla ictimai asayişi pozmaq" ittihamı ilə fəalların hər birini dörd ay həbs və 20 şallaq cəzasına məhkum edib:

“İttihamda qeyd olunub ki, onlar sentyabrın 29-da Ərdəbildə Şeyx Səfi türbəsinə İkinci Qarabağ müharibəsində Azərbaycan ordusuna dəstək olaraq yazılmış bir şüarları ilə foto çəkiblər".

Bildirilir ki, fəallar latın əlifbası ilə belə bir şüar yazıblar: "Bir millət sizin arxanızdadır, Azərbaycan ordusu".

Əli Xeyrcunun tutulduğu andan "Iranwire"ə göndərilən şəkillər və videolar onun döyülərək nəzarətə alındığını göstirir. Həmçinin bildirilir ki, fəalın ailə üzvləri də təzyiqə məruz qalıb və təhqir ediliblər.

Bundan əlavə Əli Xeyrcunun həyat yoldaşı Əfsanə Əkbərzadə də 24 saat saxlanılıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  2 Fevral 2021
Bölmələr:  
qısa linklər:   http://mtv.re/dq0dd1

Ən çox baxılan