İlham Əliyev yeni təmirdən çıxan yolun açılışında

Mənbə: Prezident.az

Başlıq: İlham Əliyev yeni təmirdən çıxan yolun açılışında

Ekspert: Yolların vəziyyəti ilə bağlı göstəricilərə əsasən Azərbaycan aşağı mövqedədir

Məqalə yeniləndi:  18 Oktyabr 2019

Prezident İlham Əliyev 16 oktyabr müşavirəsində bir sıra sahələrdə, xüsusilə yol, körpü tikintilərində rəqəmlərin şişirdilməsini vurğulayıb.

Bundan bir gün sonra isə Azərbaycan Avtomobil Yolları Dövlət Agentliyinin idarə heyətinin sədri Saleh Məmmədovu qəbul edərək, onun fəaliyyətini müsbət qiymətləndirib.

Prezident bildirib ki, Davos Ümumdünya İqtisadi Forumunun son hesabatında bu sahədə də irəliləyiş var. Onun sözlərinə görə, keçən dəfə yolların keyfiyyətinə görə Azərbaycan dünyada 34-cü yerdə idisə, bu il 27-ci yerdədir. MDB məkanında isə birincidir:

“Bu, onu göstərir ki, yol infrastrukturuna qoyulan sərmayə öz səmərəsini verir. Yol tikintisi geniş vüsət alıb və yollar yüksək keyfiyyətlə tikilir. Belə də davam edin. Azərbaycanın bütün yolları bundan sonra da ən yüksək standartlara cavab verməlidir”.

İqtisadçı Toğrul Maşallı Meydan TV-yə prezidentin xatırlatdığı reytinqin ətrafında bəzi dəqiqləşdirmələrə ehtiyac olduğunu bildirdi:

“Nəzərə almaq lazımdır ki, sorğunu “Azərbaycan Marketinq Cəmiyyəti” həyata keçirib və sorğuda 70 nəfər iştirak edib. Ola bilər ki, 70 nəfərin içində iş adamları, ekspertlər olsun. Sorğuda pis cavab 1, yaxşı cavab isə 7 balla qiymətləndirilir. Onlar da yəqin əla qiymətləndirib və nəticədə Azərbaycan dünyada yolların keyfiyyətinə görə 27-ci yerdədir”, - iqtisadçı deyib.

Toğrul Maşallı hesab edir ki, şübhəli məqamlardan birincisi sorğuda kimlərin iştirak etməsidir ki, bu barədə dəqiq məlumat yoxdur. O qeyd edib ki, “Azərbaycan Marketinq Cəmiyyəti” açıq təşkilat olmadığından bu barədə ətraflı heç nə yazılmayıb:

“Başqa bir məsələ hesablama ilə bağlıdır. Konkret olaraq, ölkənin ən iri 10 şəhərinin yol bağlantısı hansı vəziyyətdədir, onların arasında sürət necədir və.s. Bu göstəriciyə görə Azərbaycan 88-ci yerdədir. Yəni nisbətən obyektiv olan göstəriciyə əsasən Azərbaycan çox aşağı mövqedədir”, - ekspert bildirib.

Toğrul Maşallı

Toğrul Maşallı

Mənbə: Foto: Meydan tv

Müqayisə üçün iqtisadçı dəmir yollarının effektivliyi barədə reytinqi misal gətirib. O qeyd edib ki, sorğu əsasında hazırlanmış reytinqə görə dəmir yolunun effektivliyi baxımından Azərbaycan dünyada 11-ci yerdədir, hətta Almaniya və Fransanı belə üstələyir:

“Azərbaycanda dəmir yolunun sürəti çox aşağıdır, punktuallığı da yoxdur. Almaniyada saatda 250 kilometr sürətlə gedən qatarlar var, Azərbaycanda isə yoxdur. Amma bunlara baxmayaraq, biz Almaniyanı qabaqlayırıq. Ona görə də prezidentin açıqladığı reytinq göstəriciləri diqqətlə öyrənilməli və hansı təşkilat tərəfindən keçirilməsi məsələsinə, kimlərin iştirak etməsinə diqqət yönəlməlidir. Ümumiyyətlə, sorğunun obyektiv keçirilib-keçirilməməsini bilmirik. Bu baxımdan belə sorğulara əsaslanmamalı və hətta hökumət səviyyəsində bunlardan az istifadə edilməlidir”.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  18 Oktyabr 2019
Bölmələr:  
qısa linklər:   http://mtv.re/24sps6

Ən çox baxılan