Qətərin qrupda qalacağı dəqiqləşib
Qətərdə təşkil olunan futbol üzrə dünya çempionatında noyabrın 25-də qrup mərhələsinin ikinci turuna start verilib.
A və B qruplarında 4 oyun baş tutub.
Günün ilk matçı B qrupunda Uels və İran yığmaları arasında olub. İran millisi oyuna əlavə edilən vaxtda iki qol vuraraq, qələbəyə sevinib. Bu qarşılaşmada DÇ-2022-nin ilk qırmızı vərəqəsi də göstərilib. Matçın 85-ci dəqiqəsində avropalılar azlıqda qalıb. Qapıçı Ueyn Hennessi sonuncu ümid foluna görə birbaşa qırmızı vərəqə alıb.
Bu qrupun İngiltərə ilə ABŞ milli komandaları arasında keçirilən oyununda isə qapılara qol vurulmayıb.
A qrupunda keçirilən Qətər – Seneqal görüşündə ev sahibləri 1:3 hesablı məğlubiyyətə uğrayıb. Bununla da, təşkilatçı ölkənin komandası – Qətər millisi mundialla vidalaşıb. Qətərlilər ilk turda Ekvadora da uduzmuşdu (0:2). Niderland yığması ilə son turda keçiriləcək oyunun nəticəsindən asılı olmayaraq, Qətər DÇ-2022 ilə vidalaşan ilk komanda olub.
A qrupunun digər görüşü Niderlandla Ekvador arasında keçirilib. Tərəflər hərəyə bir xalla kifayətlənib – 1:1.
DÇ-2022
2-ci tur
26 noyabr
D qrupu
14:00. Tunis – Avstraliya (“Al Janub” stadionu)
20:00. Fransa – Danimarka (Stadion 974)
C qrupu
17:00. Polşa – Səudiyyə Ərəbistanı (“Edyukeyşn Siti” stadionu)
23:00. Argentina – Meksika (“Lusail” stadionu)
