Nicat Abdullazadə

Mənbə: Foto: arxiv

Başlıq: Nicat Abdullazadə

Daha bir AXCP üzvü saxlanılıb

“Mobil telefonuna balans yükləmək üçün evdən çıxıb, polislər aparıblar”

Azərbaycan Xalq Cəbhəsi Partiyasının (AXCP) daha bir fəalı Nicat Abdullazadənin də polislər tərəfindən saxlandığı bildirilir. Bu barədə Meydan TV-yə partiyadan məlumat verilib.

“Nicat Abdullazadə kənd Binəqədi adlanan ərazidə yaşayır. Mobil telefonuna balans yükləmək üçün evdən çıxıb. Az sonra evə xəbər verilib ki, onu polislər saxlayıb aparıblar. Hara aparıldığı bilinməyib. Ona görə də ailəsi Daxili İşlər Nazirliyinin “102” xidmətinə zəng eləyib”, - deyə AXCP-dən bildirilib.

Daxili İşlər Nazirliyinin mətbuat xidmətindən münasibət öyrənmək mümkün olmayıb.

Son iki gündə N.Abdullazadədən başqa AXCP-nin daha üç üzvü həbs olunub. Bunlar AXCP sədri Əli Kərimlinin köməkçisi Faiq Əmirli, ictimai əsaslarla mühafizəçisi Ruslan Əmirov və Natiq İsbatovdur. Onların hər birinə 30 sutka inzibati həbs cəzası verilib.

Partiya bütün bu baş verənləri AXCP-yə qarşı repressiyaların davamı kimi qiymətləndirir.

“Bütün dünya koronavirusla mübarizə aparır, Azərbaycan hakimiyyəti isə karantin vəziyyətini fürsət bilib, müxalifət fəallarının kütləvi şəkildə həbsinə start verib”, - deyə Əli Kərinli bildirib.

N.Abdullazadə bundan öncə də dəfələrlə inzibati qaydada həbs olunub, sutkalıq həbs cəzaları alıb. Bu cəzalar əsasən, AXCP və Milli Şuranın keçirdiyi mitinqlər öncəsinə təsadüf edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/dkd7ft

Ən çox baxılan