Zəlzələ nəticəsində 95 nəfər ölüb, 130 nəfər yaralanıb
Yanvarın 7-də səhər saatlarında Çinin Tibet Muxtar Bölgəsində 6,8 bal gücündə zəlzələ baş verib.
Çin Seysmoloji Şəbəkə Mərkəzinin məlumatına görə, yeraltı təkanların episentri Tinqri ərazisi, ocağı isə 10 kilometr dərinlikdə yerləşib. Daha sonra maqnitudası 4,4-ə çatan daha bir neçə yeraltı təkanlar qeydə alınıb.
“Reuters” yazır ki, yeraltı təkanlar qonşu Nepal, Butan və Hindistanda da hiss olunub.
Son məlumatlara görə, Tibetdə baş verən zəlzələ nəticəsində 95 nəfər ölüb, 130 nəfər yaralanıb.
