Çexiyanın ən varlı milyarderi helikopter qəzasında öldü

Müəlliflər: Meydan TV

Tarix: 29 Mart 2021

Qəzada 5 nəfərin həlak olduğu bildirilir

Çexiya Respublikasının ən varlı adamı, milyarder Petr Kellner Alyaskada helikopter qəzasında həlak olub.

Helikopterin dağda ekskursiya zamanı Alyaskada Knik Buzlağı yaxınlığında qəzaya düşdüyü bildirilib.

Bu barədə "AzadliqRadiosu" məlumat yayıb.

Qəzada 5 nəfərin həlak olduğu qeyd olunub.

56 yaşlı Petr Kellnerlə birlikdə "Tordrillo Mountain Lodge” mərkəzinin Çexiya Respublikasından daha bir qonağı, iki bələdçisi və vertolyotun pilotu da olub.

Qəzadan bir nəfərin sağ çıxdığı və onun vəziyyətinin ağır sabit olduğu bildirilir.

Petr Kellner 1990-cı illərdə investisiya fondu yaratmaqla ilk sərvətini qazanıb, Çexiyanın ən böyük sığorta şirkətində nəzarət paketini alıb.

“Forbes” dərgisi onun sərvətinin 17.5 milyard olduğunu bildirirdi. 2020-ci ilin oktyabrında milyarder Avropanın böyük yayın şəbəkəsi olan Mərkəzi Avropa Media Şirkətini 1.1 milyard dollara alıb. O zaman Çexiyada şəbəkənin müstəqilliyini itirə biləcəyi sarıdan narahatlıq vardı.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN

Müəlliflər: Meydan TV

Tarix: 29 Mart 2021

Bölmələr: