Mənbə: Meydan.TV

Cəbhə bölgəsindəki atışmalar nə ilə nəticələnə bilər?

Cəbhə bölgəsindəki atışmalar nə ilə nəticələnə bilər?

Azərbaycan Ermənistan sərhəddində yenidən silahlar açılıb, həlak olan var. Sentyabrın 21-də Tovuz istiqamətində gedən döyüşlərdə kiçik çavuş Elşən Məmmədov həlak olub.

Ölkə başçısı İlham Əliyev 19 sentyabrda verdiyi müsahibəsində Ermənistanın müharibəyə hazırlaşdığını demişdi. Bir gün sonra Ermənistana məxsus pilotsuz uçuş aparatı Azərbaycan ərazisində vuruldu.

Bu hadisələrin ardınca Səfərbərlik və Hərbi Xidmətə Çağırış üzrə Dövlət Xidməti ehtiyatda olan hərbi vəzifəliləri təlim toplanışlarına çağırdı. Təhlükəsizlik məsələləri üzrə ekspert İlham İsmayıl deyir ki, cəbhəyani ərazidə atəşkəsin pozulması hər gün artır. Belə davam edərsə, müharibə baş verə bilər.

Tarixçi alim Altay Göyüşov deyir ki, indiki məqamda Azərbaycanın müharibəyə başlaması təhlükəlidir. O düşünür ki, münaqişənin həlli demokratik dövlət qurmaqdan və beynəlxalq imici bərpa etməkdən keçir.

Bəs vətəndaşlar necə düşünür. Qarabağ münaqişəsi necə həll olunmalıdır?

Ermənistanın xarici işlər naziri Zoqrab Mnatsakanyan bildirib ki, Azərbaycan nümayəndələri ilə tez bir zamanda görüşməyə hazırdırlar. O qeyd edib ki, indi mələhətləşmələr aparılır, Minsk Qrupu həmsədrləri ilə işləyirlər.

Sonuncu dəfə bu ilin iyulun 12-də Azərbaycan və Ermənistan hərbi qüvvələri arasında qısamüddətli döyüşlər olub. Nəticədə Azərbaycandan tərəfdən 12 nəfər, Ermənistandan isə 7 nəfər hərbçi həlak olub.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/6ek8da

Ən çox baxılan