Avropa İttifaqı iqtisadiyyatının 15% -dən məhrum olacaq
İngiltərə cümə günü İttifaqı tərk edir. “Reuters” bunu imperiyanın yox olmasından bəri dünyada baş vermiş ən əhəmiyyətli dəyişiklik və müharibənin xarabalıqlarından Avropa Birliyini qurmaq üçün 70 il ortaya qoyulmuş bütün səylərə zərbə olaraq xarakterizə edib.
Ölkə 1973-cü ildə qoşulduğu klubdan gecə yarısına bir saat qalmış tərk edəcək. Bununla İngiltərə bu ilin sonuna qədər üzvlüyü qorunaraq keçid dövrünü yaşayan “no man’s land”-ə (heç kəsin torpağı) dönüşəcək.
Avropa İttifaqı iqtisadiyyatının 15% -dən məhrum olacaq. Bununla yanaşı qurum ən böyük hərbi tədarükçüsündən və dünyanın beynəlxalq maliyyə kapitalı Londondan məhrum olacaq. “İttifaqdan boşanmayla Birləşmiş Krallıq öz taleyini formalaşdıracaq və gələcək nəsillər üçün sərvətini təyin edəcək”, “Reuters” bildirib.
“Bu şəfəq çağının oyandığı və pərdələrin yeni akt üçün açıldığı andır,” – Baş nazir Boris Conson (Johnson) Brexitdən sonrakı planlar haqqında danışarkən söyləyib.
“Bu, yeni bir dövrün şəfəqidir,” 2016-cı ildə “Tərk et” kampaniyasının əsas liderlərindən biri olan Conson deyib.
47 illik üzvlüyə arxasını çevirməyin simvolizmindən başqa 2020-ci ilin sonuna qədər çox az şey dəyişəcək. Conson 2020-nin sonuna qədər dünyanın ən böyük ticarət bloku olan Avropa İttifaqı ilə geniş azad ticarət müqaviləsi bağlayacağını vəd edib.
Tərəfdarlar üçün “Brexit” Birləşmiş Krallığın 500 milyon əhali üçün uğursuz bir Alman hökmranlığı olaraq görülən qurumdan “müstəqillik günü” xəyalının gerçəkləşməsidir.
Müxaliflər inanır ki, “Brexit” Qərbi zəiflədəcək və Birləşmiş Krallığın qlobal nüfuzundan qalan hər şeyi baltalayacaq. Bu aktla iqtisadiyyat çökəcək və nəticədə Atlantik okeanın şimalında daha az kosmopolit adalar birliyi yaranacaq.
