“Heç birimiz bəzi insanların qorunduğu, bəzilərinin isə yoluxmaya məruz qaldığı dünyanı qəbul edə bilmərik"
Birləşmiş Millətlər Təşkilatının liderləri bazar ertəsi günü COVID-19 əleyhinə vaksinlər, müalicə üsullarını inkişaf etdirmək və hər kəsə uyğun qiymətlərlə çatdırmaq üçün dünya dövlətlərini qlobal səy göstərməyə çağırıb, – “Reuters” xəbər verir.
BMT-nin baş katibi Antonio Guterres ən az 8 milyard toplamağı hədəfləyən qlobal konfransda çıxışı zamanı deyib: “Bu yeni vasitələr pandemiyanı tam nəzarətdə saxlamağımıza kömək edəcəkdir və ümumdünya ictimai məhsulu olaraq hər kəsə çatımlı olmalıdır”.
Ümumdünya Səhiyyə Təşkilatının (ÜST) rəhbəri Tedros Adhanom Ghebreyesus eyni tədbirdə deyib: “Uğurun ən böyük ölçüsü vasitələri inkişaf etdirməyimiz olmayacaq. Uğur onları necə bərabər paylaya biləcəyik olacaq. Heç birimiz bəzi insanların qorunduğu, bəzilərinin isə yoluxmaya məruz qaldığı dünyanı qəbul edə bilmərik".