Bloger Mehman Hüseynov

Mənbə: Facebook

Başlıq: Bloger Mehman Hüseynov

Bloger öncə bələdiyyə üzvü, sonra deputat olmaq istəyir

Məqalə yeniləndi:  8 Noyabr 2019

Mehman Hüseynov namizədliyini irəli sürüb

Bloger Mehman Hüseynov bələdiyyə seçkilərində iştirak etmək üçün namizədliyini irəli sürüb. Bu barədə məlumatı özü yayıb.

Qaraçuxur bələdiyyəsinə namizədliyini irəli sürdüyünü söyləyən bloger noyabrın 7-də 31 saylı Suraxanı İkinci Dairə Seçki Komissiyasından imza vərəqələrini götürüb:

“Sabahdan imzatoplama kampaniyasına başlayacağam. Əziz Suraxanı əhli, Qaraçuxur camaatı hazırlaşın, dəyişiklikləri bir yerdə edəcəyik. Bu tənbəl, iş görməyən, korrupsioner məmurları Qaraçuxurdan qovacağıq. Odur ki birləşmək vaxtıdır”.

Sonda bloger bildirib ki, rüşvətxor, xalqa xidmət etməyən məmurların axırına az qalıb:

“Növbəti il Parlament seçkilərinə hazırlaşacam. Bu dəfə hədəfim illərdir Milli Məclisə deputat seçilənlər olacaq. Xalqın dəstəyi olsa, mən onlarla bacararam”.

31 saylı Suraxanı İkinci Dairə Seçki Komissiyasından faktı təsdiqləyiblər. Mehman Hüseynovun həqiqətən də namizədliyini irəli sürdüyünü söyləyiblər.

2019-cu il dekabrın 23-də Azərbaycanda bələdiyyə seçkiləri keçiriləcək. Namizədlərin qeydə alınması üçün seçki sənədlərinin dairə seçki komissiyasına təqdim edilməsi noyabrın 22-dək davam edəcək. Seçkiqabağı təşviqat noyabrın 30-dan dekabrın 22-dək çəkəcək.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  8 Noyabr 2019
Bölmələr:  
qısa linklər:   http://mtv.re/b7jte4

Ən çox baxılan