Mənbə: Meydan Tv

Bir qrup məhbusun aclıq aksiyası keçirdiyi bildirilir

Səbəb cəzaçəkmə müəssisəsi rəhbərliyinin qoyduğu qadağadır

Ədliyyə Nazirliyinin Penitensiar Xidmətinin 6 saylı cəzaçəkmə müəsissəsində rəis heyətinin məhkumları cəzalandırmaq məqsədi ilə poçt göndərişlərini dayandırdığı bildirilir.

Bu barədə Müdafiə Xətti hüquq müdafiə təşkilatı məlumat yayıb.

Təşkilat bildirir ki, buna etiraz edən bir qrup məhbus mayın 11-dən, yəni bu gündən aclıq aksiyasına başlayıb.

“Aclıq aksiyasına başlayan məhkumlardan Bəhruz Rafiq oğlu Məmmədlinin adını öyrənə bilmişik. Digərlərinin adını hələlik, dəqiqləşdirmək mümkün olmayıb", - hüquq müdafiə təşkilatının yaydığı məlumatda deyilir.

Müdafiə Xətti Təşkilatı Penitensiar Xidmətin rəhbrəliyini məhbusları dinləyib problemlərini aradan qaldırmağa çağırır.

Təşkilatı bildirir ki, bir neçə gün öncə 6 saylı cəzaçəkmə müəssisəsində 10 məhbus müəssisə rəhbərliyinin iş fəaliyyətinə, cəza-icra siyasətinə etiraz rəmzi olaraq intihara cəhd edərək özlərinə xəsarət yetirib, damarlarını doğrayıb.

"Məhbuslara ilkin tibbi yardım etmək əvəzinə onları cərimə təcridxanasına salıb, əlavə işgəncə tətbiq ediblər", - Müdafiə Xətti bildirir.

Hələlik Penitensiar Xidmətdən bu məlumatla bağlı şərh almaq mümkün olmayıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/owzyw1

Ən çox baxılan