Prezident sərəncam verib
Prezident
İlham Əliyev
aprelin 30-da Biləsuvar Rayon İcra Hakimiyyətinin başçısı Mahir Quliyevin vəzifəsindən azad edilməsi haqqında sərəncam imzalayıb.
Mahir Quliyev 1958-ci ildə Kəlbəcər rayonunda anadan olub.
2005-ci ildə keçirilən bələdiyyə seçkilərində Səbail bələdiyyəsinin üzvü seçilib və 2006-cı ilədək bələdiyyə sədrinin müavini olub.
Mahir Quliyev 2006-cı ilin avqustundan 2011-ci ilin aprelinədək Astara rayon İcra Hakimiyyətinin başçısı vəzifəsində çalışıb. 26 aprel 2011-ci il tarixində Biləsuvar Rayon İcra Hakimiyyətinin başçısı vəzifəsinə təyin edilib. Yeni Azərbaycan Partiyasının üzvüdür. Ailəlidir, 3 övladı var.
Yerli medianın məlumatına görə aprelin 29-da DTX Biləsuvar rayonunda əməliyyat keçirib və icra başçısı da daxil olmaqla bir sıra rəhbər şəxslər həbs edilib. Ancaq DTX bu barədə hələ rəsmi məlumat yaymayıb.
