Bərdə–Ağdam dəmiryolu inşa olunacaq. Prezident İlham Əliyev Bərdə–Ağdam dəmiryolu xəttinin layihələndirilməsi və tikintisi ilə bağlı tədbirlər haqqında sərəncam imzalayıb.
Bərdə-Ağdam dəmiryolu xəttinin ümumi uzunluğu 45, kilometrdir. Bu işin layihələndirilməsi və tikintisi üçün 2020-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan ilkin olaraq 5,0 (beş) milyon manat pul ayrılıb. İşə nəzarəti”Azərbaycan Dəmir Yolları” Qapalı Səhmdar Cəmiyyəti həyata keçirəcək.
“Köçərli” işğaldan sonra Ağdama ən yaxın stansiya kimi işlək vəziyyətdə idi. Bu stansiyanın da bərpası və yenilənməsi nəzərdə tutulur. İkinci Qarabağ müharibəsi zamanı stansiya yaxınlığına mərmi düşsə də, əraziyə ciddi ziyan dəyməyib. Stansiyanın indiki vəziyyəti fotolarda gördüyünüz kimidir.
