Rəbiyyə Məmmədova

Mənbə: Foto: google.az

Başlıq: Rəbiyyə Məmmədova

Bələdiyyə üzvü gənc fəalı məhkəməyə verib

Rəbiyyə Məmmədova: “Seçkini saxtalaşdıran mənim üçün şərəfsizdir"

Binəqədi bələdiyyəsinin üzvü olan Mətanət Nəsibova son seçkidə həmin bələdiyyəyə üzvlük üçün namizədliyini vermiş gənc fəal Rəbiyyə Məmmədovaya qarşı iddia qaldırıb. M.Nəsibova iddia edir ki, R.Məmmədova onun bir neçə nəfərlə birlikdə müxtəlif seçki məntəqələrində səs verdiklərini, saxtakarlıq etdiklərini deməklə, onun şərəf və ləyaqətini alçaldıb. M.Nəsibova xüsusən "bir neçə məntəqədə səs verirlər, şərəfsizlər" fikrinə etiraz edir.

Yanvarın 9-da Binəqədi Rayon Məhkəməsində hakim Nigar Nəbizadənin sədrliyilə hazırlıq iclası keçirilib. M.Nəsibovanın vəkili bildirib ki, iddianı müdafiə edir.

Hakim iddiaçının məhkəməyə təqdim etdiyi diski R.Məmmədova üçün nümayiş etdirib. Videoda R.Məmmədova M.Nəsibovaya üzünü tutaraq, onun digər şəxslərlə birlikdə məntəqələri gəzib, hamısında səs verdiyini söyləyir. M.Nəsibova və daha bir neçə nəfərin olduğu avtomobil gedəndə ardınca R.Məmmədova yuxarıda qeyd olunan fikri səsləndirir.

R.Məmmədova bu videoya münasibət bildirərkən deyib ki, seçkinin saxtalaşdırılmasında iştirak edən istənilən şəxsi şərəfini itirmiş biri hesab edir. Çünki seçkini saxtalaşdıranlar insanların səsini oğurlayır:

"O fikir konkret Mətanət Nəsibovaya ünvanlanmayıb, ad da çəkilmir. Söhbət seçkini saxtalaşdıranlardan gedir. Seçkini saxtalaşdıran mənim üçün şərəfsizdir".

Bu iş üzrə məhkəmə baxışı yanvarın 30-na təyin edilib.

M.Nəsibova bundan əvvəlki seçkidə də bələdiyyə üzvü olub.

R.Məmmədova hazırda 10 saylı Binəqədi üçüncü seçki dairəsindən deputatlığa namizədliyini irəli sürüb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/xror4k

Ən çox baxılan