Bələdiyyə seçkiləri

Mənbə: Foto: Meydan tv

Başlıq: Bələdiyyə seçkiləri

Bələdiyyə seçkilərinin vaxtı məlum oldu

MSK seçki hüquqlarını pozan hərəkətlərin araşdırılması məqsədilə Ekspert qrupu yaradıb

Azərbaycanda bələdiyyə seçkiləri dekabrın 23-də keçiriləcək.

Bu barədə Mərkəzi Seçki Komissiyasının 18 oktyabr iclasında qərar qəbul edilib.

Məlumatı MSK-nin mətbuat xidməti yayıb.

Bildirilib ki, “Azərbaycan Respublikasında bələdiyyə seçkilərinin hazırlanıb keçirilməsi üzrə əsas hərəkət və tədbirlərin Təqvim Planı” təsdiq edilib.

Eyni zamanda, bələdiyyə seçkilərində vətəndaşların seçki hüquqlarını pozan hərəkətlərdən və qərarlardan şikayətlərin araşdırılması məqsədilə MSK-nın nəzdində Ekspert qrupu yaradılması qərara alınıb.

Bundan əlavə imza vərəqələrində, namizədlərin, siyasi partiyaların, siyasi partiya bloklarının təqdim etdikləri sənədlərdə məlumatların düzgünlüyünü yoxlamaq üçün İşçi qrup yaradılıb.

Azərbaycanda ilk bələdiyyə seçkiləri 1999-cu il dekabrın 12-də keçirilib. Həmin seçkilərlə 2700 bələdiyyə yaradılıb. Sonradan isə kiçik bələdiyyələrin birləşdirilməsi nəticəsində bələdiyyələrin sayı 1771- ə endirilib. Sonuncu dəfə, 2014-cü ildə 1607 bələdiyyəyə seçki keçirilib.

Mövcud qanunvericiliyə uyğun olaraq, Azərbaycanda bələdiyyə seçkiləri hər 5 ildən bir keçirilir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/0k4hap

Ən çox baxılan