Xəstəlik Bakıdan gələn İran vətəndaşında aşkar olunub
Belarusun Səhiyyə Nazirliyinin mətbuat xidməti xəbər verir ki, ölkədə ilk koronavirus halı qeydə alınıb.
Onu fevralın 27-də iranlı tələbələrdən birində aşkar ediblər. Xəbər verilir ki, iranlı Belarusa Bakıdan fevralın 22-də gəlib. Koronavirusu Respublika Epidemiologiya və Mikrobiologiya Elmi Mərkəzində aparılan testlər müəyyən edib.
Pasiyenti və onunla insiyyətdə olan adamları Minsk Yoluxucu Xəstəliklər Xəstəxanasının qapalı bokslarına yerləşdiriblər.
Hazırda Belarusda koronavirus 2019-nCoV-un qarşısını almaq üçün sanitar-epidemioloji tədbirlər həyata keçirilir.