Filmdə Sarabski obrazını xalq artisti Mikayıl Mirzə canlandırıb

Mənbə: Foto: Meydan tv

Başlıq: Filmdə Sarabski obrazını xalq artisti Mikayıl Mirzə canlandırıb

“Başqa yerlərdə artistlərə gül verirlər, hörmət edirlər, bizim isə qazancımız söyüş olur”

Hüseynqulu Sarabskinin 140 illik yubileyi qeyd olunub

Azərbaycan peşəkar musiqi teatrının banilərindən olan Hüseynqulu Sarabskinin 140 illiyinə həsr edilən “Qəlblərdə yaşayan sənətkar” adlı tədbir keçirilib.

Hüseynqulu Sarabski adına Mərkəzi Mədəniyyət Evində reallaşan mərasimdə xalq artistinin həyat və yaradıcılığını əks etdirən videoçarx nümayiş olunub.

Tədbirdə Hüseynqulu Sarabskinin ifasında “Qalalı” mahnısı səsləndirilib, muğam ifaçıları Orxan Hüseynli və Sədəf Budaqova “Leyli və Məcnun” operasından məktəb səhnəsini ifa ediblər.

Mədəniyyət evinin xalq teatr kollektivinin ifasında Hüseynqulu Sarabski və Üzeyir Hacıbəylinin görüş səhnəsi, “Leyli və Məcnun” operasından səhnəcik təqdim olunub.

Azərbaycanın görkəmli opera müğənnisi olan Hüseynqulu Sarabski (1879-1945, Bakı) aktyor, rejissor, pedaqoq, teatr xadimi kimi də fəaliyyət göstərib. 1908-ci ildən “Nicat” cəmiyyəti nəzdində “Müsəlman Opera truppası”nın yaradıcılarından biri və solisti, Məcnun (“Leyli və Məcnun”), Şeyx Sənan (“Şeyx Sənan”), Kərəm (“Əsli və Kərəm”), Sərvər (“O olmasın, bu olsun”), Şah İsmayıl və başqa partiyaların ən yaxşı ifaçılarından olub.

Dahi bəstəkar Üzeyir Hacıbəyliyə həsr olunan “Üzeyir ömrü” (“Uzun ömrün akkordları”) avtobioqrafik filmdə Hüseynqulu Sarabski obrazı öz koloritliyi ilə seçilib. Filmdə Sarabski obrazını xalq artisti Mikayıl Mirzə canlandırıb.

Tədbirdə Hüseynqulu Sarabskinin ifasında “Qalalı” mahnısı səsləndirilib, muğam ifaçıları Orxan Hüseynli və Sədəf Budaqova “Leyli və Məcnun” operasından məktəb səhnəsini ifa ediblər

Tədbirdə Hüseynqulu Sarabskinin ifasında “Qalalı” mahnısı səsləndirilib, muğam ifaçıları Orxan Hüseynli və Sədəf Budaqova “Leyli və Məcnun” operasından məktəb səhnəsini ifa ediblər

Mənbə: Meydan TV

Filmdə Məcnun partiyasını oynamağa hazırlaşan Sarabskinin “Mən başlamışam artıq dəlilərə göz qoymağa”, yaxud “Başqa yerlərdə artistlərə gül verirlər, hörmət edirlər, bizim isə qazancımız söyüş olur”, - və sair bu kimi sitatları diqqət çəkir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/htbnru

Ən çox baxılan