Xalidə Bayramova

Mənbə: Trend.az

Başlıq: Xalidə Bayramova

Baş Prokurorluq Xalidə Bayramovanın məsuliyyətə cəlb olunması üçün təqdimat verib

İcra başçısının müavini ilə bağlı araşdırma başlayıb

Səbail Rayon İcra Hakimiyyəti başçısının birinci müavini Xalidə Bayramovanın məsuliyyətə cəlb olunması üçün prokurorluq təqdimat verib. Baş Prokurorluğun mətbuat xidmətinin yaydığı məlumatda belə deyilir.

Xalidə Bayramovanın qanunsuz hərəkətlərə yol verməsi haqda prokurorluğa daxil olan məlumat əsasında Baş Prokurorluğun Cinayət təqibindən kənar icraatlar idarəsində araşdırma aparılıb.

“Araşdırma zamanı məlum olub ki, Xalidə Bayramova vəzifə səlahiyyətlərindən istifadə edərək, Səbail rayonu ərazisində yerləşən 1 saylı şəhər poliklinikasının vəzifəli şəxslərinə zəng edib. O, Covid-19 əleyhinə vaksinasiya prosesilə əlaqədar yaxın qohumuna peyvənd vurulmadan, onun peyvəndlənmiş şəxs kimi qeydiyyata alınıb, bu barədə tibbi sənəd verilməsini tələb edib”, - prokurorluğun məlumatında bildirilir.

Xalidə Bayramovaya Baş Prokurorluq tərəfindən xəbərdarlıq edilib. “Dövlət qulluqçularının etik davranış qaydaları haqqında” qanunun tələblərini pozduğu əsas gətirilərək, onun barəsində qanuni tədbir görülməsi, intizam məsuliyyətinə cəlb edilməsi üçün Səbail Rayon İcra Hakimiyyətinə təqdimat verilib.

Xalidə Bayramovanın adı 2019-cu ilin aprelində 162 saylı orta məktəbin 8-ci sinif şagirdi Elina Hacıyevanın intiharı məsələsində də çox hallanmışdı. Hadisə yerinə gələn icra başçısının birinci müavini özünə qəsd edən şagirdi istər məktəbdə, istərsə də sonradan xəstəxanada sorğu-suala tutmuşdu. Məktəbin direktoru hadisədən sonra təcili yardım əvəzinə Xalidə Bayramovanı çağırmışdı.

Sonradan ekspertiza rəy vermişdi ki, məktəblinin hadisədən dərhal sonra xəstəxanaya aparılmaması, bu prosesin yubanması onun durumunun daha da pisləşməsinə səbəb olub.

Xalidə Bayramova bu məsələ ilə əlaqədar istər istintaqda, istərsə də məhkəmədə dindirilmişdi.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/s6h2tz

Ən çox baxılan