Xanımların yürüşü

Mənbə: Foto: Meydan tv

Başlıq: Xanımların yürüşü

Bakının mərkəzi küçəsində qadınlar "şiddətə susma" deyib

Məqalə yeniləndi:  21 Oktyabr 2019

Qadınlara zorakılıq əleyhinə “Dözmə, Yürüş Et!” aksiyası

Polis iştirakçılara planladıqları yürüşü keçirməyə əngəl olub

Oktyabrın 20-də Bakıda ictimai fəallar son günlər artan qadın cinayətlərinə etiraz yürüşü keçirmək istəyib.

Yürüş Bakının mərkəzi, Nizami küçəsində planlanmışdı, ancaq polisin müdaxiləsi ilə yürüş aksiyaya çevrilib. İştirakçılardan bəziləri polis tərəfindən saxlanılıb. Sonra onlardan çoxu sərbəst buraxılıb. Polis onlarla qadına şiddət göstərib, saçını yolub, qolunu burub.

Polis qadınlara planladıqları Natavan heykəlinin önündən yürüş keçirməyə imkan verməyib. Ancaq iştirakçılar “Şiddətə susma, şiddətə dözmə!”, "Süpürgəçi qadınlar ölməsin", "Erkən nikahlara son" şüarlarını səsləndirib, yürüşün rəsmi bəyanatını oxuyublar.

Azərbaycanda bu ilin yanvar-sentyabr ayları ərzində 118 qadın ailədaxili şiddətə məruz qalıb. Onlardan 33-ü həmin şiddət nəticəsində dünyasını dəyişib. Digər 85 qadın isə ailə üzvü və yaxınları tərəfindən ya döyülüb, bıçaqla, balta ilə, küt alətlə, çəkiclə vurulub, yandırılıb və müxtəlif cür xəsarət alıblar.

Mikroskop Media bu monitorinqi Azərbaycanda informasiya agentlikləri və xəbər saytlarında dərc olunan materiallara əsasən aparıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  21 Oktyabr 2019
Bölmələr:  
qısa linklər:   http://mtv.re/ezidnz

Ən çox baxılan