Respublika Prokurorluğu

Mənbə: Azərtac

Başlıq: Respublika Prokurorluğu

Bakıda bir evdə ölən 5 nəfərin dördü tələbədir

Onlar həmin evdə kirayədə yaşayıblar

"Fevralın 23-də saat 14 radələrində Səbail rayonunda 5 nəfər dəm qazından zəhərlənərək ölüb. Hadisə Badamdar qəsəbəsi, 1-ci yaşayış massivinin 1-ci döngə ev 29 ünvanında yerləşən fərdi yaşayış evində baş verib".

Bu barədə Respublika Prokurorluğu məlumat yayıb.

Bildirilib ki, ilkin ehtimallara görə 2004-cü il təvəllüdlü Atilla Əliyev, 2003-cü il təvəllüdlü Lətif Əliyev, 2000-ci il təvəllüdlü İnkişaf Allahverdiyev, 1972-ci il təvəllüdlü Natiq Səfərov və 1998-ci il təvəllüdlü Şikar Allahverdiyev qaz dəmindən zəhərləniblər.

APA ölənlərdən dördünün tələbə olduğunu yazıb: "Atilla və Lətif Əliyev qardaşları Azərbaycan Texniki Universitetinin tələbələridir. Şikar və İnkişaf Allahverdiyev qardaşları isə başqa bir ali təhsil müəssisəsində oxuyurdu. Onlar həmin evdə kirayədə yaşayıblar. Onlarla birgə dəm qazından boğulan Natiq Səfərov isə həmin evdə usta işləyirdi".

Faktla bağlı Baş Prokurorluğun İstintaq idarəsində Cinayət Məcəlləsinin 314.3-cü (səhlənkarlıq, ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi açılıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/as6r8z

Ən çox baxılan