Mənbə: Socar

Bakı Ermənistana tədarük edilən Rusiya qazının həcmini açıqlayıb

Tədarükün müvəqqəti olduğu bildirilir

Azərbaycanın Dövlət Neft Şirkəti (SOCAR) ötən ay “Qazprom eksport”la bağladığı qısamüddətli müqaviləyə əsasən, Ermənistana 150 milyon kubmetr həcmində Rusiya təbii qazını tədarük edəcək. Bu barədə aprelin 5-də SOCAR-ın rəsmi nümayəndəsi İbrahim Əhmədov xəbər verib.

Martın 17-də “Qazprom”un ixracat bölməsi Rusiya qazının nəqlilə bağlı Azərbaycan şirkəti ilə qısamüddətli müqavilə bağlayıb. Bu müqavilə “Şimali Qafqaz–Qafqaz” magistral boru kəmərində planlı təmir işləri müddətində erməni istehlakçılarına qazın tədarükünə imkan verəcək. Həmin vaxt təmir işlərinin üç həftəyə yaxın çəkə biləcəyi qeyd olunurdu. Təmir işləri başa çatdıqdan sonra mavi yanacaq Ermənistana əvvəlki marşrutla – Rusiya ilə Gürcüstanın sərhədindən keçərək veriləcək.

Rusiya qazının Ermənistana tədarükü üzrə müvəqqəti marşrut 2021-ci il aprelin 15-dək işləyəcək.

“Qazprom” Ermənistan istehlakçılarına yeganə qaz tədarükçüsüdür. 2020-ci il dekabrın sonunda xəbər verildiyinə görə, Rusiya qaz korporasiyası Ermənistana mavi yanacağın tədarükü üzrə müqaviləni 2021-ci ilin I rübünədək uzadıb. Elə həmin vaxt tərəflərin tədarük edilən enerji daşıyıcısının qiyməti haqda məsləhətləşmələri davam etdirdikləri qeyd olunmuşdu. Hazırda 1 min kubmetr qazın qiyməti 165 dollardır.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/cz36ff

Ən çox baxılan