Mənbə: Meydan TV

“Bakı Dövlət Sirkinin hazırladığı proqramlarda heyvanlar olmayacaq”

Məqalə yeniləndi:  11 May 2021

“Bakı Dövlət Sirkinin hazırladığı proqramlarda heyvanlar olmayacaq”

Yeni strukturu formalaşdırılan Bakı Dövlət Sirki fərqli formatda fəaliyyətə başlayacaq. Musiqiçi, gimnast, akrobat, güləşçi, pəhləvan, kəndirbaz, kloun və jonqlyorlardan ibarət milli truppa, həmçinin orkestri təşkil olunacaq.

Qurumun mətbuat xidmətinin rəhbəri Gülşanə Mustafayeva yeniliklərlə bağlı Meydan TV-yə danışıb: “Pandemiyadan sonra istənilən parkda, istənilən bir meydanda Bakı Dövlət Sirkinin proqramlarını görə biləcəyik”.

Dünyanın 45-dən çox ölkəsində heyvanların sirklərdə çıxışına tamamilə, ya da qismən qadağa qoyulub. Əsas səbəblər kimi təlim üsullarının qəddarlığı, heyvanların uyğun saxlanma şəraitinin olmaması, səfərlər zamanı onların ölüm riskinin artması, həmçinin bu cür tamaşaçıların uşaq və gənclərin psixoloji vəziyyətinə pis təsiri göstərilib. Bakı Dövlət Sirkində heyvanlar olmasa da, pandemiyadan öncə paytaxta tez-tez başqa ölkələrdən sirklər gəlirdi. Onların arasında vəhşi heyvanların iştirakıyla göstərilən nömrələr çox idi. Sirkin mətbuat xidməti deyir ki, qurumun bundan sonrakı fəaliyyətində heyvanların nəzərdə tutulmur:

“Dünyada son illərdə heyvanların qayğısına qalmaq, onları qorumaq, mühafizəsi, azadlığı ilə bağlı müxtəlif çağırışlar olur. Yəni bunu nəzərə alaraq, Bakı Dövlət Sirkinin özünün hazırladığı, formalaşdırdığı proqramlarda heyvanlar olmayacaq”.

Bakı Dövlət Sirki 1967-ci ildə istifadəyə verilib. Əlli dörd il keçməsinə baxmayaraq, əsaslı təmir olunmayıb. Hazırda baxımsız vəziyyətdə olan sirk binasının bərpası gözlənilir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  11 May 2021
Bölmələr:  
qısa linklər:   http://mtv.re/3tf3cj

Ən çox baxılan