“Mən prezidentimizə sonuncu dəfə məktub yazdım. Bilmədim getdi, getmədi? Mənim müraciətim sadəcə bir kəlimə idi, “Xahiş edirəm, cənab prezident, bizə qonaq gəlin”. Bu kasıbların evinə qonaq gəlin. Özünə bildirmək istəyirəm ki, heç bir dövlət işçisi bu vətəndaşlarla maraqlanmır”.
Humay iki övladı və anası ilə üstüaçıq evdə yaşayır. O, imkan etdikcə, evin üstünü düzəltməyə çalışır, bu vaxt da SOCAR-ın işçiləri icazə vermir. Hər dəfə yağış yağanda evdəki qablar dəhlizə düzülür.
Evin yeganə gəliri Humayın anasına və qızına əlilliyə görə verilən təqaüdlərdir. Sərt karantin dövründə bu təqaüdlərə görə ailəyə 190 manat yardım verilməyib.
Türkiyəli həkimlər serebral iflicdən əziyyyət çəkən qızını 25 min dollara sağaldacaqlarını desələr də, o hökumətdən yardım ala bilməyib
SOCAR-ın sözçüsü Səbuhi Şaldiyev bildirib ki, əməkdaşları əraziyə gedib tikinti icazəsi ilə bağlı problemi araşdıracaqlar.
