“124 nəfər sağalıb, 2 nəfər vəfat edib”
Azərbaycanda COVİD-19-a yoluxma ilə bağlı 314 yeni hal aşkarlanıb
Son sutka ərzində Azərbaycanda koronavirus infeksiyasına yoluxma ilə bağlı 314 yeni hal aşkarlanıb.
Bu barədə martın 4-də Nazirlər Kabineti yanında Operativ Qərargah məlumat yayıb.
Bildirilir ki, 124 nəfər sağalıb, 2 nəfər vəfat edib.
Məlumata görə, yoluxanların ümumi sayı 235 647 nəfərdir: “O cümlədən 229 267 nəfər müalicə olunub, 3 232 nəfər vəfat edib, 3 148 aktiv xəstənin müalicəsi davam edir”.
Qərargah bildirib ki, son sutkada 9 183 test keçirilib.