“Azərbaycan koronavirusa qarşı mübarizəyə hazır deyil”

“Azərbaycan koronavirusa qarşı mübarizəyə hazır deyil”

Bakı küçələrində hər addımbaşı qoruyucu maska taxanlara rast gələ bilərsiz.

Dünya gündəmini zəbt edən koronavirus Azərbaycanın sərhədlərinəcən gəlib. Qonşu İranda bu virusdan ölənlərin sayı 15-ə çatıb.

Xəbər Azərbaycanda da panikaya səbəb olub. Apteklərdə isə vəziyyət ürək açan deyil. Bəzilərində qoruyucu maskaların qiyməti qalxıb, həmçinin onu indi tapmaq da çətinləşib.

Əczaçı Fuad Məmmədov deyir ki, depodan apteklərə maskalar limitlə verilir.

Tibb üzrə professor Adil Qeybulla deyir ki, dünya üzrə virusa 80 mindən çox adam yoluxub, 2 min 700 nəfər vəfat edib. İmmun sistemi güclü olan və önləyici tədbir görənlər üçün təhlükə görünmür.

Ölkədəki səhiyyə sistemi Azərbaycana ayaq açan koronavirusla mübarizə apara biləcəkmi? Ağciyər Xəstəlikləri İnstitutunda 2 ilə yaxın müddətdə araşdırma aparan hüquqşünas Samir Zeynalov bu müəssisənin adekvat olmadığını deyir.

Samir Zeynalov deyir ki, Azərbaycan koronavirusu ilə bağlı mübarizəyə hazır deyil. İnstitutda koronavirus müayinəsinin qiyməti də 100 manat təşkil edir.

 Nazirlər Kabinetinin məlumatına görə, fevralın 22-dən başlayaraq sərhəd-keçid məntəqələrində sanitar-dezinfeksiya işləri aparılır. Əhaliyə xüsusi zərurət olmadığı hallarda qonşu ölkəyə səfərlərini müvəqqəti olaraq təxirə salmaq tövsiyə olunur.

Ana səhifəVideo“Azərbaycan koronavirusa qarşı mübarizəyə hazır deyil”