Azərbaycanın Əfqanıstanda 120 sülhməramlısı var
Azərbaycan sülhməramlılarının Əfqanıstandan çıxarılması planlaşdırılır.
Azərbaycan Müdafiə Nazirliyi xəbəri “Turan”a təsdiqləyib.
Ancaq nazirlikdən sülhməramlılarının Əfqanıstandan nə vaxt çıxarılmasının planlaşdırıldığı barədə əlavə məlumat verilməyib.
ABŞ mayın 1-dən öz qoşunlarını Əfqanıstandan çıxarmağa başladığını elan edib.
Bununla paralel olaraq NATO ölkələri də hərbi qüvvələrinin bu ölkədən çıxarılacağını bildirib.
Əfqanıstanda 2500-3000 ABŞ əsgəri və təxminən 7000 NATO əsgəri var.
Azərbaycan ordusunun Əfqanıstandakı sülhməramlı missiyası 2002-ci ilin noyabrın 20-dən başlayıb.
Hazırda bu ölkədə Azərbaycanın 120 sülhməramlısı var.