Avropa İttifaqı

Mənbə: Foto: arxiv

Başlıq: Avropa İttifaqı

Avropa İttifaqı Ermənistan təyyarələrinə qadağa tətbiq edib

Ermənistana məxsus aviaşirkətlərin təhlükəsizlik standartlarına cavab vermədiyi deyilir

Avropa Komissiyası beynəlxalq təhlükəsizlik standartlarına cavab vermədiyi üçün Ermənistana məxsus aviaşirkətlərin bloka girməsinə qadağa qoyub, - “Euobserver” xəbər verir.

Komissiya bildirib ki, qərar “Hava Təhlükəsizliyi Komitəsi tərəfindən verilən yekdil rəyə” əsaslanıb.

“Bloomberg” bildirir ki, komissiyanın bu qərarı Ermənistanın aviasənaye sahəsinin tənzimlənməsi ilə bağlı narahatlıqlarını əsas gətirib. Bununla yanaşı bildirilib ki, Avropa İttifaqı ölkənin aviasiya təhlükəsizliyinin inkişafı ilə bağlı əməkdaşlığı davam etdirəcək.

“Avropa İttifaqı Aviasiya təhlükəsizliyini artırmaq üçün Ermənistanla əməkdaşlıq etməyə və ölkəyə investisiya qoymağa hazırdır”,- Avropa Nəqliyyat Komissarı Adina Valean çərşənbə axşamı Brüsseldə elektron poçtla verdiyi açıqlamada bildirib.

İttifaqın qara siyahısı ilk dəfə 2006-cı ildə yaranıb və bu siyahıya əsasən Afrikadan olan 90-dan çox aviaşirkət daxil edilib. Qadağaya Konqo Demokratik Respublikası, Ekvatorial Qvineya, Liberiya və Sudan kimi ölkələrin avişirkətlərinin sərnişin və yük daşıma xidmətləri daxil edilib.

2004 və 2005-ci illərdə baş vermiş aviaqəzalardan sonra avropalı sərnişinlərin ölümünün qarşısını almaq üçün ittifaq hökumətləri ortaq qara siyahı tərtib etmək qərarına gəlib. Məqsəd aviatəhlükəsizliyə dair vahid yanaşma təyin etmək olub. Siyahı ildə iki dəfə yenilənir və Avropa hava limanlarında yoxlamalar zamanı aşkar edilmiş çatışmazlıqlar əsasında tərtib edilir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/dh0luq

Ən çox baxılan