Aleksey Navalnı

Mənbə: Lenta.ru

Başlıq: Aleksey Navalnı

“Amnesty International” Navalnı ilə bağlı qərarını ləğv edib

Təşkilat səbəb kimi siyasətçinin təşviqat videolarını göstərib

Beynəlxalq insan haqları təşkilatı “Amnesty International” rusiyalı müxalifət lideri Aleksey Navalnının vicdan məhbusu kimi tanınması qərarını ləğv edib.

Bu barədə Twitter-də jurnalist Aaron Meytte məlumat verib.

Jurnalistin yazdığına görə, təşkilat səbəb kimi Aleksey Navalnının keçmişdə “Rus yürüşlərində” iştirakını və ölkəyə mıqrant axınının qarşısının alınması haqqında yayımladığı təşviqat videolarını göstərib.

Lakin Navalnı daha sonralar siyasi xətt olaraq radikal sağdan uzaqlaşmışdı.

“Amnesty International” təşkilatının rəsmi saytında bu barədə məlumat yoxdur. Rusiya mətbuatı Aaron Meytte istinadən bu xəbəri tirajlayıb.

Aleksey Navalnı 2014-cü ildə Krımın Rusiya tərəfindən ilhaqı zamanı, Krımın Rusiyanın parçası olduğu haqda fikirlər səsləndirib.

Yanvarın 17-də Moskvanın Şeremetyevo hava limanında saxlanmış müxalifətçi Aleksey Navalnı öncə 30 sutkalıq həbs edilib.

Yanvarın 23-də və 31-də Aleksey Navalnının tərəfdarları Rusiyanın bir çox şəhər və bölgələrində onun hüquqlarının müdafəsi məqsədilə icazəsiz kütləvi etiraz aksiyaları keçiriblər.

31 yanvar etirazları zamanı Rusiya boyu ümumilikdə 5,3 mindən çox insan polis tərəfindən saxlanılıb, paytaxt Mosvada da keçirilən aksiyalarda 1,8 min nəfər saxlanılıb.

Aleksey Navalnı 2 il 8 ay müddətinə azadlıqdan məhrum edilib. Navalnı 2014-cü ildə 3 il 6 ay müddətinə şərti həbs cəzasına məhkum edilərkən məhkəmə qərarı ilə ona 5 il sınaq müddəti də təyin edilib.

Moskva Şəhər Məhkəməsi hökmü altı həftə azaldılmasına qərar verərək, Navalnının həbs müddətini 2 il 8 aydan 2 il 6 ay iki həftəyə endirib.

Aleksey Navalnı 2014-cü ildə mənimsəmə ittihamı ilə şərti cəza almışdı.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/tajooo

Ən çox baxılan