Akademik Opera və Balet Teatrı

Mənbə: Azərtac

Başlıq: Akademik Opera və Balet Teatrı

Akademik Opera və Balet Teatrında iki tamaşa göstəriləcək

Tamaşaçılar zala pandemiya qaydalarına uyğun olaraq buraxılacaq

Sentyabrın 18-də bəstəkar Üzeyir Hacıbəylinin doğum günündə ənənəvi XIII Beynəlxalq Musiqi Festivalı təşkil olunacaq.

Tədbir çərçivəsində ölkədə bir sıra konsert proqramlarının nümayişi olacaq. Bu münasibətlə Akademik Opera və Balet Teatrında iki opera tamaşası keçiriləcək.

Teatrın Mətbuat Xidmətindən Meydan TV-yə verilən məlumata əsasən, sentyabrın 21-də Üzeyir Hacıbəylinin “Leyli və Məcnun” operası göstəriləcək.

Tamaşada əsas partiyaları Rəvanə Əmiraslanlı (Leyli) və Əməkdar artist Elnur Zeynalov (Məcnun) ifa edəcəklər.

Digər partiyalarda Əməkdar artistlər Təyyar Bayramov (Məcnunun atası), Cahangir Qurbanov (Nofəl) və başqaları olacaq.

Sentyabrın 24-də isə italyalı bəstəkar Cüzeppe Verdinin “Traviata” operasının tamaşası təqdim ediləcək.

Tamaşada baş rolu - Violetta partiyasını ifa etmək üçün polşalı müğənni, Vokalçıların beynəlxalq müsabiqələrinin laureatı İvona Sobotka dəvət olunub.

Onun tərəf müqabili kimi Alfred partiyasını Xalq artisti Samir Cəfərov ifa edəcək.

Tamaşada həmçinin Xalq artistləri Əli Əsgərov (Markiz), Əkrəm Poladov (Doktor), Əməkdar artistlər Cahangir Qurbanov (Jermon), Səbinə Vahabzadə (Flora), Tural Ağasıyev (Qaston), gənc solistlər Nina Makarova (Anina) və Mahir Tağızadə (Baron) oynayacaqlar.

Opera tamaşasını Əməkdar artist Əyyub Quliyev idarə edəcək.

Tamaşaçılar Nazirlər Kabineti yanında Operativ Qərargahın koronovirusla mübarizəyə qarşı müəyyən etdiyi qaydalara uyğun olaraq zala buraxılacaqlar.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/8replb

Ən çox baxılan