“Axınla aşağı”

Mənbə: Foto: Meydan TV

Başlıq: “Axınla aşağı”

Ailə faciəsini əks etdirən Azərbaycan filmi beynəlxalq tədbirdə nümayiş olunacaq

Yerli kino estetlərinin fikrincə, “Axınla aşağı” mövzu aktuallığı və novatorluğu baxımından fövqəladə bir ekran işidir.

Rejissor Asif Rüstəmovun ilk tammetrajlı filmi “Axınla aşağı” Azərbaycanı növbəti beynəlxalq tədbirdə təmsil edir.

Ekran işi dekabrın 17-dən 19-dək İstanbulda keçirilən II Türk Dünyası Filmləri Həftəsində nümayiş olunacaq.

Rejissor “Axınla aşağı”da statistik kriminal xəbərin bədii həllini təklif edərək, aktual problemə toxunub. Sosioloji-psixoloji filmdə mövcud patriarxal cəmiyyətdəki ailə faciəsini görmək olur.

Hadisələr əyalət şəhərində baş verir. Əli avarçəkmə müəllimidir. O, özünü daxilən tənha hiss edir. Əli xoşbəxtliyi ailəsində deyil, başqalarında axtaran, zəif iradə sahibi və qərarsız biridir. Buna görə də nə həyat yoldaşı, nə də ki, yeniyetmə oğlu ilə yola gedir.

Əlinin oğlu ilə problemləri də filmin əsas mövsuzlarından biridir. İlk səhnədə o, oğlunu digərlərinin yanında təhqir edərək, “Başqalarının yanında mənə ata demə”, - deyə onu alçaldır. Ata oğlunu avarçəkənlərin kapitanı etsə də, idman yarışlarına az qalmış təyinatını dəyişir. Bu hadisədən sarsıntı keçirən oğlan özünü çaya atır.

Yerli kino estetlərinin fikrincə, “Axınla aşağı” mövzu aktuallığı və novatorluğu baxımından fövqəladə bir ekran işidir.

Filmdə xalq artistləri Mehriban Zəki, Süleymanlı, əməkdar artistlər Pərviz Bağırov, Teymur Məmmədov, Gülşad Baxşıyeva, Azərbaycan teatr rejissoru Namiq Ağayev və başqaları çəkiliblər.

Türk Dünyası Jurnalistlər Federasiyası, Türkiyənin Mədəniyyət və Turizm Nazirliyi və İstanbul Böyükşəhər Bələdiyyəsinin dəstəyi ilə reallaşan film həftəsi çərçivəsində Türkiyə, Azərbaycan, Qırğızıstan, Qazaxıstan, Türkmənistan, Özbəkistan və başqa ölkələrin filmləri nümayiş olunacaq.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/2bemai

Ən çox baxılan