Mənbə: Meydan.TV

Aİ-95 markalı benzinin qiyməti yenə artdı

“Məhsulun alış qiymətinin artması satış qiymətinin də 5 qəpik artmasına səbəb olub”

İyulun son günü Azərbaycanda Aİ-95 ("Premium") markalı avtomobil benzininin qiyməti 5 qəpik bahalaşıb. Belə ki, Aİ-95 benzininin qiyməti 1,40 manatdan 1,45 manatadək artıb.

Bu barədə oxu.az saytına danışan “SOCAR Petroleum” QSC-nin mətbuat katibi Üzeyir Həbibbəyli qiymət artımının əsas səbəbini məhsulun idxal dəyərinin artmasıyla əlaqələndirib:

“Aİ-95 markalı benzin Azərbaycanda istehsal olunmur. Onu xaricdən idxal edirik. Məhsulun alış qiymətinin artması onun ölkəmizdə satış qiymətinin də 5 qəpik artmasına səbəb olub”.

İqtisadçı Natiq Cəfərli qiymət artımını Azərbaycanın Aİ-95 markalı benzin istehsal etməməsiylə bağlayıb:

"Niyə istehsal edilmir, çünki hökumət zamanında doğru qərarlar verə bilmir. Vaxtında müasir neftayırma zavodu tikilmədi ki, məmləkət həm daxili bazara məhsul çıxartsın, həm də xam neft ixrac etməkdınsə neft məhsulları ixrac edib, xam neftdən, azı 3-4 dəfə çox pul qazansın.

Aİ-95 markalı benzinin qiymətini dövlət tənzimləmir, güya, bazar qaydaları ilə qiymət formalaşmalı idi, yəni, kim istəsə, hardan istəsə Aİ-95 gətirib sata bilməli idi. Amma nə baş verdi?! Sadəcə, söz oyunu oldu - Tarif Şurası bu marka ilə bağlı qərar vermir, amma Aİ-95 markalı benzini ölkəyə gətirən tək inhisarçı qurum olan SOCAR-ın törəmə şirkəti istədiyi zaman qiyməti qaldırmaq hüququ əldə edir. Qiymət indi SOCAR-dan asılıdır, sabah istəsələr 2 manat da elan edərlər".

Sonuncu dəfə “Aİ-95” premium markalı benzinin qiyməti 15 qəpik artaraq 1 manat 40 qəpik olmuşdu.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/3h415j

Ən çox baxılan