Aleksey Navalnı

Mənbə: Reuters

Başlıq: Aleksey Navalnı

ABŞ Navalnıya görə Rusiyaya qarşı yeni sanksiyalar hazırlayır

Ceyk Sallivan kimyəvi silahlara görə sanksiyalarının olacağını da istisna etmir

Vaşinqton Aleksey Navalnının zəhərlənməsinə görə Rusiyaya qarşı yeni sanksiyalar hazırlayır.

Bu barədə ABŞ-ın milli təhlükəsizlik müşaviri Ceyk Sallivan iyunun 20-də CNN-ə danışıb.

AzadlıqRadiosunun məlumatına Ceyk Sallivan ABŞ-nın kimyəvi silahlara görə də sanksiyalarının olacağını söyləyib.

Onun sözlərinə görə, ABŞ düzgün qurumların hədəfə alınmasından əmin olandan sonra sanksiyalar tətbiq olunacaq.

ABŞ Prezidenti Co Bayden rusiyalı həmkarı Vladimir Putinlə ötən həftəki sammitində insan haqlarının həmişə masada olacağını, bu məsələni, eləcə də Navalnının həbsini qaldıracağını deyib.

Bayden Putinə bloger Navalnının həbsxanada mümkün ölümünün fəsadları haqda xəbərdarlıq edib və bu fəsadların “Rusiya üçün dağıdıcı” olacağını deyib.

Məlumatda Bayden administrasiyasının martda Rusiyanın yeddi aparıcı rəsmisinə sanksiyalar açıqladığı vurğulanıb.

Eyni vaxtda Avropa Birliyi də Rusiyanın aparıcı rəsmilərinə sanksiyalar elan edib.

Rusiya isə bunları “tamamilə qəbuledilməz” adlandırıb. Eyni zamanda, ölkənin ABŞ və AB ilə onsuz da pis durumda olan münasibətlərinə dağıdıcı təsir göstərəcəyini deyib.

Rusiyalı bloger Aleksey Navalnı yanvarın 17-də həbs olunub.

Aleksey Navalnı Almaniyadan Rusiyaya qayıdarkən “Şeremetev” hava limanında saxlanılıb. Onun barəsində qəbul edilən şərti cəza azadlıqdan məhrum etmə cəzası ilə dəyişdirilib və o, 3,5 il müddətinə azadlıqdan məhrum edilib.

Ötən ilin avqustunda Tomskdan Moskvaya uçarkən hava limanında zəhərlənən Rusiyalı müxalifətçi Aleksey Navalnı Almaniyaya aparılmışdı.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/spl0ps

Ən çox baxılan