Mənbə: Report

7 seçki dairəsinin nəticəsi məlum oldu

Mərkəzi Seçki Komissiyası fevralın 9-da keçirilən növbədənkənar parlament seçkilərində iştirak edən daha 7 dairənin liderini elan edib. Beləliklə, 17 saylı Yasamal Üçüncü Seçki Dairəsindən Elnur Allahverdiyev, 35 saylı Xətai Üçüncü Seçki Dairəsindən Rauf Abbasov (Arifoğlu) , 42 saylı Sumqayıt İkinci Seçki Dairəsindən Tahir Mirkişili, 44 saylı Sumqayıt-Xızı Seçki dairəsindən Müşfiq Məmmədli, 77 saylı Astara Seçki Dairəsindən Rəşad Mahmudov, 123 saylı Kəlbəcər Seçki Dairəsindən Aqil Məmmədov, 125 saylı Zəngilan-Qubadlı Seçki Dairəsindən isə İmamverdi İsmayılov deputat seçiliblər.

Bundan başqa, 79 saylı İmişli Seçki Dairəsindən Razi Nurullayev qalib elan olunub. MSK-nın əvvəlki açıqlamasında isə Murad Fərzəliyevin adı qeyd olunmuşdu.

Azərbaycanda növbəti parlament seçkiləri 2020-ci ilin noyabrında keçirilməli idi. 2019-cu il dekabrın 2-də parlamentdə çoxluq təşkil edən Yeni Azərbaycan Partiyasından (YAP) olan deputatların təşəbbüsü ilə Milli Məclis onun buraxılması və növbədənkənar seçkilərin təyin olunması xahişi ilə Prezidentə müraciət edib. Dekabrın 5-də Prezident növbədənkənar seçkilərin 2020-ci il fevralın 9-na təyin edilməsi ilə bağlı sərəncam imzalayıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/11nddh

Ən çox baxılan